الصراحة عنده اشياء حلوه وتسوى، بس في أشياء ثانية صغيرة ابد ما تسوى السعر .. قمت وانقهرت وسألت الكاشيير يعني عندكم اشياء حلوه وتسوى اكثر من السعر بس في اشياء ثانية صغييييرة حيل وما تسوى شيء رد علي وقال:
مدام احنا نعوض سعر الاشياء الكبيرة اللي تسوى وانتي تشوفيها رخيصة بالاشياء الصغيرة اللي ما تسوى ..
يعني رابحين 100% واحنا اللي على بالنا إنه رخيص ..
طبعا هو رخيص في كثير اشياء وغالي في كثير اشياء بعد ..
المهم .. عندنا مشكلة .. إنا نشتري اشياء دايم ما لها داعي لمجرد إنها رخيصة والمحل رخيص .. وهذا اللي دايم يصير معي وبس ارجع البيت اتحسف حيل .. واحس إنه ولا شيء من اللي شريته كان له داعي .. سوى إني لقيته رخيص !
انا شريت من عندهم الاحجار الكريستالية بأشكال وألوان مختلفة اللي تحطونها في الفازات أو في صحون الشمع الطافية على الماء هذي صراحة تسوى ورخيصة ..
واللي عندها حديقة بالبيت أو بالبلكونة عندهم للزرع أشياء روعة وتسوى .
أما مكياجهم لا ما اعتقد يسوى مو شي .. شريت لي من عندهم كريم اساس علشان استعمله للركب .. حتى للركب ما طلع حلو فما بالك للوجه !
وعندهم مثل ما ذكرتوا قوالب الكيك الورقية حلوووووه
وبعد مواعين التخزين البلاستيكية والسلال حلوه بعد
وكل حسب حاجته ..
تسوق سعيد
زعفران

توني يايه من دايسوا ويحليلهم كل شي بالياباني مو مكتوب بالانجليزي بس الي يبعون في خدمتكم ازعجتهم من كثر ما اقولهم شنو مكتوب حق شنو هذا و يحليلهم حيل متعاونين ... انا شريت منهم اغراض بلاستيك تونس و مفيدة و خذيت مفاريك اشكال و الوان و احجام بس اتصدقون في شغلات خلصت انا رايحه الافتتاح كانت البضايع متروسه الحين في اشياء خلصت دورتها ما لقيتها .....

يعني الميك أب بو نص أو ب 5 دراهم يا زعفرانه إتوقعين يطلع منه ؟؟؟

إلا إذا كان شيسدو الاين الرخيص ههههههه


بس أنا ما أدري شلون الناس تشتري شي مكتوب بالياباني

يعني شفتهم الحريم بعيني تبطل البطل ما تدرين أهو لوشن أو شامبو أو شاور جيل
وتشم ريحته وتاخذه يعني من الريحه ببين ؟؟؟؟؟؟؟؟


والله الصراحه هذا الي يصير على بو إنه رخيص ويمكن يفيد
بس ما أدري هالأنابيب والعصارات والغراش شنو فيها
ما تعرفين لغتهم
يعني لو هو كريم لأي بشره ينفع ما تعرفين لغتهم ؟؟؟؟
إشلون ياخذون وبس هذا الي أنا مو فاهمته ؟؟؟؟


:26:

السلام عليكم
الصراحة المحل واجد روعة فية اشياءتستهل المشترة وفى اشياءعادية بس بس باينات لايطوفكم المنظفات روعة خصوصا لتنظيف الفرن والعلب الحافظة شى روعة بس اخذى بالج فى اشياءموجودة عند ابو مية :26: :26:

جزاك الله خير مستحيل
اليوم سرت له يخبل
ما عرفت شو اشتري او اخلى
وخفت من الجودة تكون ردئية

اشتريت قطاعة عجين منال العالم استخدمتها
صينية بلاستيك للتقديم
صينية من القش روعة للتقديم الحلو او اي شي
علية قش مخروطية على حامل للنبتة اللى عندي تجنننننننننننن

اختى اشترت علبة للماكياج
وهي لايتر
ومشط

واختى الثانية اشتريت ارفف لقصص اعيالها

اطباق الشوربة غالية .....
في اشياء غالية
بس عندهم اشياء ابداع ما في منها

لازم ازورة مرة ثانية