الدبدوبه ترفع ايدها فووووووووق........... وتدخل

السلام عليكن جميعا
تعبت والله من لقب دبه عايزه اتخلص منه للأبد
كلنا كده طبعا بس للأسف عزيمتنا صفر
نسمع ونشوف بنات كتير غيروا حياتهم ونقول نفسنا بس مافيش ولا خطوه للأمام
وكأن البنات دول معاهم خاتم سليمان او الفانوس السحرى
عارفين مشكلتنا ايه ؟؟؟؟؟؟؟
اننا عايزين نخس بس حد تانى هو اللى يعمل الريجيم
مش عايزين نتألم عايزين كل حاجه على الجاهز
أو نسمع واحده تقول انا عملت ريجيم ونقصت عليه 5 كيلو فى الاسبوع
نقوم نمشى عليه وما ننقص غير كيلو واحد نقوم نيأس ونتحطم ونقول لأ
اما الخمسه كيلو والا فلااااااااااااااااا ونوقف
دماغ ناشفه ...................... ( يمكن تكون تخينه برضوه )
الحقيقه ان الاجسام بتختلف فى طبيعتها واستجابتها للانظمة يعنى ممكن انزل الاسبوع ده كيلو والاسبوع التانى انزل الخمسه كيلو بس المهم الصبر
وعلشان كده انا قررت حاجه
انا اعرف واحده ماشيه مع طبيب ونزلت 20 كيلو فى 3 شهور
والحقيقه هى اعطتنى الريجيم بتاعها اللى الدكتور اعطاه لها كل اسبوع
انا معاى 12 اسبوع
أنا وزنى 90 كيلو ومحتاجة اكون 70 يعنى عايزه انزل ال20 كيلو دول
مش مهم بقى انزلهم فى قد ايه المهم انى انزل يعنى لو مر على الثلاث شهور دول وانا نازله 10 كيلو مش هأزعل هأقول ده دافع لى انى انزل العشره التاليين
أنا هأكتب الريجيم ده كل اسبوع وهأمشى عليه ده طبعا مع استخدامى لجهاز اوربيتراك
وتناول كوب شاى بليمون قبل الافطار بساعة وواحد قبل النوم
ونتايج كل اسبوع هأكتبها فى نهايته بس هأكتب يومياتى بالتفصيل
ايه رأيكم يا بنات مين تبدأ معايا ونشجع بعض
مش مهم نوع الريجيم المهم المشاركة وتسجيل يومياتنا علشان نتشجع
عن نفسى حتى لو ماحدش تفاعل معايا انا هأعتبر موضوعى ده مذكرات يوميه خاصة بى هأعترف فيها
بس ادعولى انى اواصل:26:
بسم الله الرحمن الرحيم
هأبدأ فيه من بكره 15 / 10/ 2007
الأسبوع الأول
الإفطار : الساعة 9
2 كوب ماء + 2 بيضة مسلوقة
+ نصف خبز سن أو ربع رغيف اسمر
+ كوب شاى اخضر بدون سكر أو بسكر دايت حسب مقدرتك


الغداء : الساعة 3 او 4
2 كوب ماء + طبق سلاطه خضراء
+1 خبز سن او نصف رغيف اسمر
+ طبق فاصوليا خضراء ( خضار اى نوع )
+ قطعة لحم أو 2 سمكة أو صدر فرخة
+ المشى قدر الاستطاعة

العشاء : الساعة 10 أو 11
2 كوب ماء + ربع كيلو خيار + زبدية + 2 جبنة قريش

ان شاء الله مع بداية العام القادم 2008 اكون انسانه جديده وارمى اللقب فى صندوق القمامه