كان عشانا دجاج صيني مرررره طعم والطريقه سهله ولا تاخذ وقت
وهذي صورته
بسم الله نبداء
#المقادير#
- دجاج ستيك بدون عظم على حسب كم تبغي شريحه بالنسبه لي حطيت شريحتين تكفي لشخصين
- بهارات ( م ص فلفل اسود - م ك كمون - م ك بهارات كاري )
- فلفل رومي اي لون تحبي اصفر او اخضر او احمر
-صوص الصويا الصيني او اي صوص عندك
- زيت
- بصل مفروم ناعم
#الطريقه #
- في الصاج تحطي زيت ومعاه البصل لحد مايذوب البصل تماما
- بعدها تاخذي شرايح الدجاج وتقطيعها مربعات صغيره وتحطيها على البصل وتقفلي الصاج بالغطاء لحد ما يقرب يستوي الدجاج مع التقليب المستمر
- واذا قرب الدجاج يستوي تحطي البهارات المذكروه وتقلبي شوي وتقفلي الغطاء لحد ما ياخذ الدجاج طعم البهارات وتجف مويه الدجاج شوي
- بعدها تاخذي الفلفل الرومي وتقطعيه شرايح طويله والافضل تقطعي كذا لون يطلع شكله واااو وتحطي الفلفل على الدجاج وتقفلي الغطاء لحد مايذوب شوي الفلفل بس انتبهي لا ينهرس
- اخر شي تاخذي الصوص مقدار ملعقتين تقريبا وتحطيه على الدجاج وتخليه شوي يعني دقيقه مع تقليب الدجاج لحد ماياخذ طعم الصوص
كذا انتهى الدجاج وتسوي جنبه رز ابيض وقدميه بالطريقه اللي تناسبك
وصحتين وعافيه على قلوبكم
ربي يسلم الايادي
حبيبتي