والحمدلله على سلامة ملكنا بابا عبدالله والله يطول بعمرة ويخليه لنا ..
من اول محتارة وش اسوي غدا وقلت من اول ماسويت دجاج بالفرن وعاد اشترينا الطلبات
اول شي خذي الدجاجه سدحيها على بطنها لاننو نبغى ننزع العمود من ظهرها
خذي مقص مطبخ او سكين حااده كويسه وابتدي من تحت من جنب مؤخرتها اهم شي ههههه
وقصي ليين فوق وابدب من الجنب الثاني والين فوق لين ماينزل معاك العمود على شكل مستطيل وعاد قصي الي الجلد الي تحت حولين المؤخرة ونظيفها بدقيق وخل وليمون وسبيها شويه وبعدين اشطفيها
ارجعي سدحي الدجاجه على ظهرها لانوو نبغى نكسر العظم ممن جوا فنقلب الدجاجه على ظهرها ونظغط بقوة على بطنها لين تسمعي صوت كسر
ويصير شكل الدجاج مسطح ويشبه الدجاج المشوي بالفحم زي حق المحلات فهمتوننني :ohplease:
نجي للمقادير الدجاج
الخضار
اي خضار تحبين حطي
انا ببصراحه حطيت باذنجان شرايح وفلفل رومي شرايح وبطاطس شرايح وجزر وكووسه
وبصل شرايح ودقيت ثوم حوالي 5 حبات وحطيتهم معاهم
وزعي الخضار بصينيه كبيرة
التتبيله
كلها بالخلاط
فنجان قهوة كتشب
ملعقتين صغار معجون طماطم
ليمون كامله معصورة
خل حطي بالغطا حق الخل مرتين
بقدونس وكزبرة وشبت بيدك خذيلك من ذا ومن ذا
بهارات خذي فلفل اسود مطحون وكمون وبهارات مشكله وكاري حوالي ملعقه صغيرة او على حسب ماتعودت يدك وحطي ملح
وعلبة زبادي روب
بصل حبتين صغار و8فصوص ثوم
واخلطيهم بالخلاط
بعدين شقي الدجاج بالسكين يعني شرحي جهة الصدر ومن تحت الافخاذ عششان التتبيله تتشربهم
وحطي التتبيله وسييبيها ساعتين على الاقل واحسن قبل بيوم انا سبتها ساعتين سويت كل شي من الساعه 10 ودخلتها الثلاحه لين الساعه 12 دخلت نمت وحطيتها بالصينيه فوق الخضار وقفلت عليها بالقصدير وشغلت الفرن من تحت النار على درجة 175 وحطيت الشبك في الوسط لمدة 40 دقيقه وسبتها ورجعت كملت نومي لانوو زوجي لسسع مودحين حيجي وابشركم صحيت الساعه 2 الظهر والمنبه دقق ولا حسيت فيه ولا سمعت صوت الفرن لما دق مرة كنت مرهقه لاكن دام الصينيه مغطا مابتنحرق الدجاجه قمت ونزلتها شفتها وذقت ملحها وفكيت الغطا عنها ووولعت عليها من فوق وطفيت الي تحت سبتها لين تتحمر بس
وقدميه مع سلطة طحينة
حطي طحينة وشوية موية وليمون وخل وطماطم مقطعه وخياروملحي وبهريها بفلفل اسود وقدمي خبزز واذا تبغين تسوين رز ابيض برظة حلو
وهذي الصور..
هنا لما حطيت التتبيله
هنا فوق الخضاربدخلها الفرن
هذا شكلها بعد ماطلعتها
بسس دعواتكمممم بتحقيق الي في بالي ياررب
والله يحقق لك ماتمنيتي واكثر