مساء الورد
قبل فتره طويله جاتني رساله على الإيميل طريقة عمل المضبي في البيت وكانت باللحم وفي قدر عادي لكن انا استخدمت دجاج عشان اجرب كيف بتكون النتيجه خاصة ان الطريقه غريبه ولا ودي اتهور وطبخت في قدر الضغط عشان يكون أسرع وهذي طريقتي بالدجاج
اول حاجه غطي قاعدة القدر وأرفع شوي بالملح الخشن
بعدين ملحي الدجاج وبهريه بهارات خفيفه لا تكثرين
وحطي على الملح على طول بدون أي حائل
لا تحركين قطعة الدجاج ابداً بعد ما تنزلينها على الملح
بعدين غطي الضغط وخليها لمدة ربع ساعه وإذا كان قدر فغطيه باللقصدير وخليه من ساعه إلى ساعه إلا ربع
ماجربت الفدر بعدين في البدايه راح تلاحظين ريحه غريبه مو حلوه عادي خليه يكمل شوي وتطلع لك روايح
ممممممم ياسلام
بعدين افتحي عليها وشيلي قطع الدجاج بهدوء جداً عشان ما يمسك فيها الملح
بعدين حطيها على الرز اللي يعجبك سواءً ابيض او غيره انت واختيارك انا سويته مع كشنه
تلاحظون فيه قطعه من الدجاج محمره هذي انا شلتها وحمرتها بالفرن عشان اشوف شكله كيف صاير
وهذا كان الشكل النهائي حاولوا تجربون لأنه تغيير لذيييييييييييذ
1000 صحه وعافيه على قلوبكم
تقبلوا مشاركتي وتحياتي
