الدجاج المقلي ممكن الطريقه؟؟؟

حبيبتي قصدك برستد ولا بس تقلينه من غير دقيق او بقسماط

مشكوره الغاليه عشانج عبرتيني و رديتي علي انا ابيه عادي بدون شي لاني ابي احطه في المكبوس

فيا ريت تعطيني طريقة تنظيف الدجاج من اول شي لين القلي

لاشكر على واجب يالغلا
اولا التنظيف انا صراحه اغسل الدجاجه بماء دافي وخل ابيض احطهم بالقدر واخليهم شوي واشطفهم .. وبس
في ناس يفركون الدجاج بملح ودقيق (بس انا مااسويها احسها حووووووسه)
واذا حابه تشيلي الجلد براحتك بس احسن خليه علشان القلي
التتبيله ..
ثوم وبهار ورشة كمون وملح قلبيهم وافركيهم بالدجاجه وخليهم ساعه
واقليهم وحاولي تغطي الطاوه وتخلي النار وسط لا هي عاليه ولا واطيه
انا دايم اسوي كذا واحط جنبها رز ابيض وممكن بطاطس ولا حوسة البروستد
هذا اللي اعرفه وان شاء الله تعجبك

فديتج والله يا ام نونا والله فرحت يوم شفت ردج و تسلمين حبيبتي و انشاء الله لما بروح بيتي بجرب الدجاج و بقولج شو صار معاي