مرحبا
من زمان مانزلت طبخة :D
اليوم مسوية ليكم دجاج مكسيكي... لذييييييييييذ، بتاكلوا أصابعكم وراه
المقادير
دجاجة مقطعة (بعظم أو بدونه، كيفكم)
التتبيلة:
ملعقة كاتشب، ملعقتين مايونيز، ملعقة صغيرة خردل، ملعقة أكل زيت زيتون، ملعقة أكل صويا صوص، فصين ثوم مدقوقين، بهارات، كاري، فلفل أحمر ، ملح، أعشاب (اوريغانو و ريحان) بقدونس مفرم.
طبعا التتبيل يرجع لكم، كل وحدة تكثر اللي تحبه وتشيل اللي ماتحبه، لكن أنصح انكم ماتشيلوا الكاري والفلفل الأحمر لأن الأكل المكسيكي حلو انه يصير حار، والاوريغانو والريحان لأن البهارات العشبية تعطي طعم يجنن.
3 بصلات مقطعة بالطول، فليفل أخضر مقطع، حبتين طماطم كبار مقشرين ومقطعين، ثلاثة أرباع كوب عصير طماطم (يعني خذوا طماط وافرموه لحد مايصير عصير)، زيتون أسود وأخضر مقطع، كوبين ماء، علبة فطر.
جبن موزاريللا
الطريقة
- نخلط مقادير التتبيلة كلها وننقع فيها الدجاج (أنا نقعتها 3 ساعات) وكلما طالت مدة النقع صار الدجاج ألذ :)
ملاحظة: عادة ما أحط خردل، لكن هالمرة عندي خردل ما أدري وش أسوي فيه قمت حطيته :D
- نقلب البصل في الزيت حتى يذبل، يضاف الفليفل والطماطم والفطر، ويقلب لمدة 10 دقائق
- يصب عليه عصير الطماطم، والماء والزيتون، وبهارات مثل اللي استعملناهم في التتبيلة، والملح والبهارات العشبية.
- نخليها تغلي شوي ونحط شوي بقدونس
- ناخذ صينية مدهونة بزيت ونصف فيها الدجاج ونصب فوقه الصلصة
- نخلط فيها شوي جبن موزاريلا مبشور.
- ندخلها الفرن.. ولما يستوي الدجاج نطلعه ونرش فوقة جبن موزاريللا وندخله مرة ثانية شوي عشان يذوب الجبن ويحمر
الحين استوت، نحطها في صحون ونقدمها (الصلصة ماتنشف كلها)
وهذي الصورة حتى تقتنعوا ان فيها دجاج ;)
وبالعافية