اخواتي امتناني لكم وانكم شلتو هم عن قلبي الا وهو التنوع في الاطعمه وابتكارها خصوصا اني مو محترفه طبخ ... حسيت من واجبي اني اقدم لكم طبقي المفضل ولا الذ من كذا خصوصا لمحبي الحامض حلو والصيني على وجه التحديد ... بسم الله نبدا بس لا تفشلوني والله تعبت في تنزيل الصور عساها تطلع ولاتنسونس من دعائكم الله ينصرني على من ظلمني...
المقادير
صدور دجاج مسحب ومقطع مكعبات
فنجان ليمون
زنجبيل طازج مبشور
فلفل رومي مقطع صغير حبه كبيره
بصله كبيره مقطعه صغير وملعقه ثوم كبيره مهروس
الخلطه (ملعقه كبيره عسل -ملعقه كبيره سكر-1مكعب ماجي)
3بياض بيض مخفوق مع ملعقه ونص نشا
الطريقه
يخفق النشا والبياض جيدا حتى ينفش
ويضاف اليه الدجاج المغسول والمصفى جيدا عشان يمسك البياض
يحمى الزيت في القدر مقدار كافي للقلي وزياده شوي وتشلي القطع بالشوكه حبه حبه وفي القلي بتنفش وتحمر كانها لقيمات المهم ماتقعد كثير تشيليها وتصفيها من الزيت ... في نفس الزيت اضيفي البصل والثوم الي ان يذبل وعليه الزنجبيل والفلفل الرومي والخلطه المذكوره سابقا وملعقه نشا وكاس مويه يقلب شويه لين يثقل الخليط بس ثواني و اضيفي قطع الدجاج وعلى نار هاديه جده يطبخ الى ان ينضج الدجاج ويتماسك المرق مع الدجاج ... وبالهنا والعافيه وتقدميها مع رز ابيض او مكرونه بيضا ... ودعواتكم
شكلها يفتح النفس وباين عليها لذيذه
تسلمين يالغاليه
جااااااري التطبيق