الدجاج على الطريقة التركية

انا حصلت انه هذا اسهل غدا ممكن اسويه ما ياخذ وقت وأغراضه متوفرة في كل بيت

الدجاج على الطريقة التركية
1/2 دجاجة (ليه انا وزوجي ) الي يبغى يزيد على كيفه طبعا مقطعة مكعبات مخليه من الجلد والعظم
بصل مقطعة جوانح + فلفل اخضر بارد مقطع جوانح
عصير طماطمة يعني مخلوطة ....وطبعا البهارات فلفل اسود وملح وكمون ملعقة شاي او حسب الرغبة يعني لمن تتذوقيه ويعجبك كفاية ...
وزبدة للتشويح وثوم
الطريقة
تسخني الزبدة وتحطي عليها الدجاج لمدة دقيقتين وبعدين ترفعيه على جنب وفي نفس الزبدة تضعي البصل والفلفل والثوم وتقلبي لمدة دقيقتين وثم تضعي عليه البهارات والطماطم والدجاج وتتركيه الى أن ينضج

طبعا زوجك ماراح يرضى بهذا الطبق بس لازم معاه رز او اي حاجة ثانية

وانا عندي لكم الرز بالشعيرية مافي اسهل منه
تحمي شوية زيت في القدر وتحطي عليه الشعيرية الى ان يصبح لونا اسمر مو مرة بس وانا باعمله حمرت عليه كثير بس طلعت حلوة وتكبي مويه ساخنه كبيها بحرص لانها حتطلع صوت قويه وممكن قطرات الزيت تلسع المهم حطي ملح ورشه صغيره مرة كمون وفلفل اسود وارمي الرز فوقها اللي هو الرز اللي حبته زي الامريكي ما اعرف اسمه والله ....معليش ....
وكمان انا زوجي ما يرضى ياكل بدون سلطة
وسلطتي ماتبغى ثواني وكلكم يمكن تسووها
تقطعي خس كبار شويه وطماطم وخيار بنفس الطريقة وتجيبي الدريسينج الرانش تحصلي في كل سوبرماركت والعيش تبع الرانش كمان انتبهي مو عيش السيزر
وتحطي العيش اول بعدين الدريسنج مرة تطلع تهبل كانك في مطعم ........
وسلامتك
ها كيف غدايه بالله مو حلو وسهل يلا استنى ردودكم ...........باي