المقادير:
ماء
حبه بصل صغيره
حبه ماجي
لحم مقطع صغار
بياله جريش مطحونه
كاس ونصف دخن مطحون بس خشن يعني مجروش (ويمكنك زيادته او تنقيصه)
2 ملعقه طحين بر
الطريقة:
1-نحط البصل بعد تقطيعه الى قطع صغيره في قدر على النار بدون اضافه اي ماده دهنيه
2- نحمسه قليلا ثم نضع الماء ونضع اللحم معه والماجي وشوي ملح
3-بعد عشر دقائق الى ربع ساعه نحط الجريش ونتركه على نار هاديه مـــره لمده عشر دقائق الى ربع ساعه
4- ثم نجيب الدخن ونخلطه بالسلك مع شوي مويه عاديه (علشانك لو حطيتيه على الجريش واللحمه والمويه حاره راح يتكتل عليك ) ونحط الين يطلع عندك علظها مثل المهلبيه او اخف شوي
5- ثم نحط الدقيق البر بعد ما نخلطه مع الماء ونستمر في التحريك
6- ثم نغطيه ونتركه تقريبا نصف ساعه على النار.
7- في هذي الاثناء نصلح الكشنه وهي عباره عن:بصل نقطعه ونحطه على النار مع الزبده او الزيت (بس الزبده اطعم)واذا بداء يذبل نحط عليه فلفل اسود كثيرررر (وعاد كل وحده وذوقها بس انا احب الكثير)وشوي بهارات.
8- في التقديم نجيب حافظه ونحط شوي من الدخن ثم طبقه بصل ثم طبقه دخن ثم طبقه بصل
او يمكنك تحطين الدخن كله ثم تحطين البصل فوقه
ملاحضه :اذا بغيتيه اطعم يمكنك وضع لبن معه بس انه راح يفتح لونه
اللي مايعرفون الدخن هذي صورته وهو حب
عيني عليك باردة ماشاء الله طريقة ماتخرش المية الله يحرم يدياتك على النار
ما تروحين لي صحين