الدخول عاجلا للعرايس والبنات والمتزوجات الله يخليكم..

لسلام عليكم ورحمة الله وبركاته...
تحية طيبةمني للعرايس الحلوات ..واللي في إنتظار إنهم يكونون عرايس..واللي خلاص..إنتهت مراسيم أعراسهم وصاروا أمهات......
أختصر علي وعليكم...
وأبغى منكم الفزعة يابنات....
سواء منكم العروس والمتزوجة والبنت أظنكم كلكم تقدرون تفيدونني.....
صديقتي على وشك زواج ونفسي أقدم لها هدية مميزة...
والعروسة منكم أكيد وصلتها هدايا مميزة يمكن تفيدني....
واللي بنت أو متزوجة أكيد إنها سبق وأهدت لرفيقاتها العرايس هدايا حلوة....
فأنا أبغى شوركم ورايكم..
أبغى لها هدية حلوة وغير مكلفة
مثلا..تكون بعيدة عن الأشياء التقليدية...
ذهب ومكياج وعطور....
ياترى وش عندكم؟
والله يابنات أتمنى منكم مساعدتي في هذا الأمر..لأني متفشلة من صديقتي هذي..ذوقها صعب..ولاترضى بالذهب ولا تحب تلبسه.
والعطور ماودي هديتي تنتهي قيمتها مع الزمن مصيرها تخلص علبة العطر..
والمكياج هي قالت لي إنها إشترت مكياج من فور إفر بـ3000ريال..
يعني....
نفسي أجيب شي مميز ويبقى مع الزمن..
الله يعافيكم لاتنسوني من الأفكار الحلوة..
لكم مني دعوة بظهر الغيب عسى الله لايحرمكم أجري..