الدخول للموظفات الحوامل والفائده للجميع

رفـــــــــــــــع

مافيه شي اذا الوحدة حامل وهي موظفة بالعكس تساعد زوجها الحياة صارت صعبه

أكيد الراحة أحسن لكل جسم
لكن ما بتعرفي كل واحد وشو ظروفه

والله شوفي اقولك شي
انا عن نفسي وزوجي حالتنا المادية جدا سيئة
وانا شهادتي اعلى من زوجي ،، زوجي كانت عليه ظروف صعبة في حياته ما خلته ياخذ شهادة عدله ،، وانا عشان كذا تزوجته لأني عرفت انه رجل مافي وحدة تتمناه لأنه غير قادر من الناحية المادية ، وقلت اهم شي عندي الاخلاق وطز بالفلوس
المهم يا ستي انا الحمدلله شهادتي طيبة وكنت اشتغل ((وانا بنت طبعا)) شغلة حلوة وبحكم اني تزوجته وهو من ديرة ثانية تركت شغلي اللي بمنطقتي وانتقلت للعيش معاه وحاليا انا حامل وادور شغل وعادي لو حصلت شغل وانا لسه حامل ، لأنه بجد حالتنا المادية تستعدي اني اعمل
لأنه زوجي والله عمل كل اللي يقدر عليه ، وما اخفيك انه ناوي يتزوج واعتقد السبب مني ((وهذا قصة ثانية مالها علاقة بموضوعنا))
لذلك انا بأمس الحاجة للوظيفة عشان اضمن مستقبل ليا لو تزوج علي
وحاجة ثانية انا ما كنت ابي الحمل هذا ابدا ، وجلست فترة والعياذ بالله كارهه بنتي اللي بطني
بعدين مرة من المرات جلست افكر في بنتي لو طلعت على وجه الدنيا وانا كارهتها كيف بيكون وضعها معايا ، وجلست ابكي وابكي وابكي عليها من حزني لأني حسيت انها مالها ذنب ومن بعدها صرت مرررررة احبها واتمنى اليوم اللي اشوفها فيه واشيلها بين يديني واعطيها عمري وكل ما املك ان شاءالله
لذلك لازم اشتغل عشان اسعد بنتي وما اخليها محتاجة لأحد واضمن مستقبل لنفسي لو تزوج زوجي ، و لازم من الحين اجمع خبرة ليا في العمل وما اقدر انتظر الين اولد واربي البنوتة وتكبر يكون خلاص مرت كم سنة ما استفدت منها خبرات في مجال عملي
وكل هذا اللي بسويه عشان بنتي ونفسي يعني انا لما اشتغل وانا حامل مو معناه اني مو مهتمة باللي في بطني
بالعكس هذا اكبر دليل اني احبها واحرص اني اوفرلها احتياجاتها واسعدها قد ما اقدر لأني عارفة انه ابوها ممكن ما يقدر
وخلاصة كلامي انه كل وحدة لها ظروفها ، في ناس مالهم اهل وحادتهم الحاجة فحرام لا تحكمي على وحدة شفتيها حامل وهي تشتغل وانت ما تدري وش ظروفها
وسلامتك ياقلبي (احس اني كثرت كلام ههههههههه)
بالتوفيق للجميع

معليش ياليت توضحين انت وش تبين من موضوعك هذا ؟!!!! تبين الحريم مايتوضفون !!!!
واذا كانت الوحده متزوجه وزوجها دخله ضعيف وهم محتاجين للوظيفه ... لكن الي زوجها غني او هي غنيه فالوظيفه لها شي مو ضروري يعني كل وحده وظروفها ...
ولومك للحامل مو في محله ابدا مافيه وحده تبي التعب او الشقى !!! والي المفروض انه يتغير هو قوانين العمل الي عندنا يعني اعطي الام الحامل او المرضع اجازه رعايه مولود وتكون بجزء بسيط من الراتب وتحسب من خبرتها وفيه خلول غيرها كثير اما اني اللوم الام الي تشتغل واتهمها بانها مقصره في حق عيالها فهذا شي غير عااااااادل ابد ...