في يوم من الايام كنت اكلم صديقتي على الماسنجر وكانت تتكلم عن حفله ذكرى ميلاد ولدها كيف كانت حلوه ومرتبه ...المهم انا ذكرت ان ذكرى ميلاد زوجي بعد كم يوم ...وبعد ماخلصت المحادثه على طول جلست ادور في النت افكار حلوه ورومانسيه في نفس الوقت ..لان هذا يوم ميلاد زوجي مستحيل اخليه يمر علي كانه يوم عادي .خذت كم فكره من النت وبعدين سجلت الاغراض اللي ناقصتني عشان اروح السوق واشتريها ,..........بس صرااااااااحه لاحظت اني اهملت شكلي شوي بالفتره اللي طافت عشان كذا قلت لازم امسك برييييييييييك وافكر شوي شو اللي ناقص طلتي الحلوه طبعا شفت بشرتي حيل تعبانه وصبغه شعري نزلت وهذا غير ملابسي اللي صارت قديمه وممله .....رحت على طول دقت على اختي قلت لها ابي اروح الصالون اسوي تنظيف بشره وابيك تجين معي ....رحنا الصالون وسويت تنظيف البشره وصارت بشرتي نظيفه وناعمه تدنن صج فرق....هذا اول خطوه خلصناها .....وفي اليوم الثاني هم بعد اتفقت مع اختي نتسوق شوي عشان راح اخذلي كم غرض للحفله ....شريت لي فستان احمر طويل وضيق يفصل الجسم بشكل مغري وجدا انيق وطبعا اكيد شريت معاه وانتو بكرامه جزمه حمره وشريت مفرش جديد لسريرنا << ما بقى شي ماشرته ....لان صار له فوق السنه ولاعت كبودنا منه
,وغير الورد اللي وصيت عليه والشموع ومفرش لطاوله وزجاجيات بس صج ذاك اليوم طيرت فلوسي
كلها :024:خخخخخخخ ...وجا يوم ذكرى ميلاد زوجي قمت صحيته من النوم عشان يروح الدوام ......وبعد ماراح ماتشوفون الا اغبرتي طااااااااااايره اكلم اختي تجي تحط لي الصبغ في شعري بس ذاك اليوم اكلت تهزيء موصاحي من اختي وبعد ماخلصت قلت حق اختي ماقصرتي الله يعطيكي اللعافيه وهي تقول شدعوه كم فلانه عندنا ....والا وهي ماشيه تبي تطلع اقوم بسرعه احمل بنتي:04: وقشها واقول لها كملي خيرك اخذيها معاك بس حسيتها شوي وتلفني بكف تبرد قلبها فيه ......وهذا بنتي خلصت منها والصبغ بعده في شعري ...بس قلت خلني استغل وقتي واجهز غرفه النوم اول شي شلت كل الاغراض اللي بالتسريحه وحطيتها بالدروج وبعدين نثرت عليها من فوق ورد طبيعي ابيض وحطيت فوق الورود شموع صغيره ولونها ابيض
والحين صار وقت السرير شلت الشرشف القديم ونفضت السرير من الغبار وعطرته ولبسته الشرشف الجديد ورتبت الخداديات وبعض الاكسسوارات عليه وطبعا الشرشف كان لونه ابيض
وحطيت على الطاولات اللي على طرف السرير
زجاجيه جدا ناعمه داخلها ورد طبيعي ابيض
وشغلت الفواحه ...وكانت اجواء الغرفه جدا هادئه ومريحه للاعصاب .
بعدين رحت لغرفه المعيشه وسحبت الكنب وخليته بالغرفه الثانيه وعلى فكره كنبنا جدا خفيف ..وخليت طاوله الطعام وسط غرفه المعيشه وفرشت عليها الغطاء الابيض ورتبت الصحون والملاعق والشوك والسكاكين وتفننت بكم حركه بالشموع والشرايط البيض ..طبعا كل شئ ابيض في ابيض
وبعدين قمت بسرعه غسلت شعري لان الصبغ صار له فتره طويله وخفت لا اصير انااااا اليوم الحفله ....واستشورته وشفت النتيجه جنااااااان والله قمه الروعه طبعا اللون كان عسلي
وبعدين حطيت الميك اب وكان جدا خفيف ماعدا الروج كان احمر فاقع شوي....
وبعدها لبست ثوبي الجديد الاحمر ....
ولبست وانتو بكرامه الجزمه الحمره ...
وسبحت نفسي من العطورات اللي رشيتها ...
وبعد ماقرب الوقت حطيت الكيكه على الطاوله و ولعت الشموع كلها
ترن ترن ترن ترن ......... هذا صوت الباب زوجي وصل وبروح افاجاءه بيوم ميلاده ................
وبببببببببببببث .وما اوصيكم بالردود الحلوه
مع اني ماادري وش الحكمه من الموضوع