الي سالت عن زيت الثوم والجرجير والخروع من المعصره شهر واحد ونبت مقدمه الشعر وكنت مااغرق شعري بس اخلط ملعقه صغيره من كل زيت بس واخلي من الليل حتي الصباح واشطف شعري بمويه وخل التفاح

والله ما أثبت على شي بس اللي لاحظته استخدت لمدة اسبوعين يمكن

غليت ماي وحطيته ع الترمز واظن انقعه يوم كامل واستخدمه يوم وترك ع ما اذكر

وحسيت الشعر ثقل وصار هادي يعني بالعادة من الاستشوار فيه مثل النفشة والشعرة حسيتها قوية

والاهم شفتو الشعر اللي قدام القذلة الخصل الرقيقة اللي ما تطول اول مرة بحياتي تطول وللحين هذا طولها

لو استمريت يمكن اشوووف نتيجة واستخدمت الزبدةوالروب هدى شعري ولينه بس ما استمريت لظروف عائلية وبث

انا جربت خلطة الي بصل وثوم مغلي وسدر وزيت الخروغ وزيت زيتون
كان روعه قل مرة تساقط
بس صار لي سنتين تركتها صار شعري مرة يتساقط
مع اني نادرا ما استشورة تعبت نفيساً حتى بالمخدة اشوف شعري
نوعيت شعري دهني مرة الحين قلب جاااااف جداً
يمكن تناسب غيري

خلطة لشعر الجاف زيت اي زيت يناسب وعسل طبيعي موحق البقالة لا كله سكر ومايونيز
مرةحلو مع الاستمرار

خلطة لتقصف الشعر قهوة مغلية بدون هيل حطيه ع شعرك خليه 2-3 ساعات واغسلية بالشامبو

طبيب الشعر نصيحة لا احد يستخدمة يجفف الشعر مرة ويدمرة

الحمدلله انا مااعاني من تساقط
كنت اعاني من جفاف الشعر بسبب الاهمال تركته سنييين وتعبته بالاستشوار والسيراميك وسوء التغذيه
وكنت اعاني من عدم طوله وهذا بسبب اهمالي له وسحبتي الاليمه عليه
وكنت اعاني من قله الشعر خييف مره والشعره نفسها ضعيييفه
وكنت اعاني من التقصف

بديت اول شغله ابتعدت عن الاستشوار والسيراميك وابتديت بمشكله الشعر التالف الباهت المييت وبديتها بالزيوت وكان اول زيوت استخدمها خلطه زيت سمسم وزيت زيتون
واحمدالله واشكره رجعت الحيويه لشعري البااهت التعبان بفتره 3 اسابيع
----
بعدها اهتميت بالتقصف قصيت اطرافه وحسيت انه رجع تقصف رغم اني ازيته ومهتمه فيه
اكتشفت انه من سوء التغذيه
فسرت يوميا اشرب عصير برتقال فريش واكل مقدار كمشه يد مكسرات لانها تحتوي على زيوت مفيده لكل شي بجسم الانسان وبعد التقصف تحاربه بدرجه اولى
الى الان فيه تقصف خفييييف وهذا شي طبيعي كل 3 او4 شهور تنقص اطرافه
وامسحه بعد الشور بسيروم كرستال او بديل الزيت بانتين بس الاطراف
------
بعدها كنت اتضايق واتذمر من خف شعري قلييل ولسى الشعره ضعيفه
وهو طبيعه شعري كذا طالعه على الوالد الله يحفظه
فقلت اجرب بخلطه هاجريه كول
اللي هي مغلي بصل وثوم اعجنها بحناء وسدر مع زيت سمسم وزيت الخروع
والله ياهي عطت شعري قووووه عجيبه لا اله الا الله
ماكثرته ولا نبتته لا ابدا بس خلت الشعره نفسها قويه تعادل 3 شعرات
وهذا الشي يوحي ان الشعر كثير
((كنت اتعمد استخدمها قبل اي مكان اروح له لانها تفرد الشعر كأنه مستشور ))
وابي اقولكم على شغله
اذا انتي شعرك قليل من وانتي صغيره يعني طبيعه شعرك خفيفه فماراح يكثر ابدا ومستحييييييل
ممكن الخلطات تقوي شعرك وترجع له الحيويه بس تكثره او تنبته لا لا لا مستحيل
لكن اذا طبيعه شعرك كثيررر بس صاير قليل من الحمل والولاده او سوء تغذيه
اي خلطه تناسبك استمري عليها راح تكثر شعرك وتنبته لان انتي اصلا من وانتي صغيره كثير

ومع كل هالخلطات لمده سنتين ونص الحمدلله طول شعري بس اكثر شي طوله لي هو الزيوت
واكثر شي رجع القوه لشعري هو خلطه هاجريه كول والحناء خاصاً
وافضل شي تغلبت فيه ع التقصف هو التغذيه السليمه وقص الاطراف اول بأول

واللهم لك الحمد بس انهبللللت وقصيت شعري بعد ماطول << تندب حضها الحمدلله
والحين رجعت لخلطه الحناء والسدر والزيوت والحمدلله مرتاحه عليها يوم بالاسبوع خلطه هاجريه كول ويومين بالاسبوع خلطه زيوت

وشكرا لك على الموضوع الرائع ولكل من شارك فيه

اسأل الله يعطي كل وحده مبتغاها ويوفقكم جميعاً

سلمت لنا وسلم إبداعك
وجزآكي الله خيرا على ما تقدمية
تقبلي ودي واحترامي