الدراسة بره وضيقة الخلق

السلام عليكم ورحة الله وبركاته،،،،،،،

مشكلتي بإختصار إني أدرس بره وطبعا ي أنا اخترته بيدي ومحد جبرني عليه..والحمدالله الوالد ماقصر معاي بشي ..الفلوس عندي متوفرة والحمدالله ..بتقولون وين المشكلة؟؟؟:06:
اول شهرين ماحسيت بالغربة وتعودت عالوضع وحتى دموعي ماكانت تنزل بس فحأة بعد مارجعت من عطلة العيد الي اهي10 أيام حاشتني الحالة وهي ضيقة الخلق المو طبيعية تخيلو
ان بس ودي ارجع البيت عشان ابكي:06:،،،،،،،!!!!!!!
طبعا للعلم أنا قاعدة بروحي وساكنة ومالي حد بره،،طبعا انا عرفة ان هذا مستقبلي بس شسوي همن الغربة صعبة وعلى بنت خصوصا مكن الصبي يطلع يروح ويجي بس انا غير انا اصلا في طبعي ماحب الطلعات الي مالها داعي واحس ضميري يأنبني لي طلعت وانه لازم ادرس لأن دراسة طب الاسنان صعبة ويبيلها لووووووووية ومجابل :23:وطبعا غير هالشي الواحد يحافظ على سمعته ويخاف من كل شي ويقدر ثقة اهله فيه والحمدالله ما ادرس بدولة عربية مو تقولون عند الغرب والاجانب.لا يحوشك..:mouse:
والحمدالله مداومة عالصلاة وقراءة القرآن ..فودي منكم تساعدوني وتعلموني شلون اتغلب عالغربة وماحس بالأيام ولا اشتاق لهلي واضيع مصوفي على المكالمات الخارجية ؟؟؟؟؟؟؟؟
فعلا ابي اقطع هالعادة ومابي كل يوم مرة ولا كرتين ادق على اهلي؟؟؟شرايكم وشتنصحون فيه؟؟؟؟؟؟:55: