الدراسه

احساس طبيعي حبيبتي ، تعوذي من ابليس ، واكثري من قول ( ربنا ولا تحملنا مالا طاقة لنا به) لازم تقنعين نفسك انه الحياة مو كلها قايمة على درجاتك ، دراستك لنفسك واهم شي صحتك حبيبتي ، بنت صديقتي مرضت من شدة القلق والتفكير ، والموضوع مايستاهل ، نامي بدري واصحي بدري وداومي ، ولاتعطين ابليس اي فرصة يستغلك ويقول غيبي والا اتركي ، ترى ابليس مايحبك ويبيك تنقهرين ، تعوذي منه وسوي اللي عليك وعيشي يومك ، اسمعي عطي نفسك وقت محدد للراحة يوميا ، والويك اند لازم تنبسطين لو بأنشطة بسيطة ، تنجحين بأي تقدير الحمد لله مايضر ، ورزقك بتاخذينه فلا تقلقين ، انت شاطرة وومتازة ، تخيلي انا بالانجليزي وسط ، ومرة كان فيه كلمة باجتماع لازم تلقى بالانجليزي ، هههههه ناظروني البنات قالوا قومي انت قوليها ، ما ادري الا الكل يصفق لي ههههه والمدير والموظفين وكل احد يصفق ، انا قمت وقفت قلت لو سمحتوا ترى انجليزيتي مو مرة ، كان فيه اجانب ، وصرت اتكلم مثل الخدامات انجليزي مكسر هههههه واخر شي قلت كلاص يعني خلاص (عجزت اذكر معنى finish (( ) والحمد لله عقب الاجتماع وكلاص جاني ترقية بشغلي ، المهم من هالهذرة ذي كلها سوي اللي عليك بس وماعليك من الباقي لأن الرزق من الله ، والرزق مكتوب ، بلاش دلع وغياب فهمتي ، كلها كم شهر وذكرينا وبشرينا نحتفل معك كلنا تمام 🥰

حبيبتي انا كُنت بنفس وضعك وللأسف طول السنه تفكير مُفرط وارق وقلق م انام الليل وياليتني انقص عشان يستاهل ,كل الاختبارات فل مارك بدال م انبسط للاختبار اللي بعده لا اخاف واقلق منه اكتر وبالاخير يطلع سهل ! وم زلت على هالحال طول السنه وبوقت الإختبارات مرضت جِدًا الدكتور شخصه خَلل ببوابه المِعده مُسبب ارتجاع بالمريء يعني فعليًا حتى المويا ارجعها كرمتِ والى الآن جالسه اتعالج ونفس م تتوقعين قال النفسيه وتفكيري الزايد هم السبب .. تعرفين تقسيمه الثانوي ستين فتري واربعين نهائي كنت ماخذه ستين بجميع المواد واعمال السنه تمام لكن نقصت بأربعين النهائي ومن الميه جبت 95 🫠 .. الحمدلله على كل حال بإذن الله ذا الترم فُل مارك واذا انتِ مسارات نفسي ف ترا النسبه الموزونه بتكون نسبتها اكتر من الترم التالت ف م عليكِ باللي راح وشدي حيلك عسوله عقبال م نبشر بعض بتخرجنا .. نصيحتي لك الوترر الوتر والورد اليومي وبر الوالدين قسم توفيق عجيب ! واهم شي راجعي اول بأول موفقه يا عسل 👏🏻💗

لااا تحولين منازل مهما صار نصيحتي انقلي من المدرسه اول روحي بيئه جديده تمامًا وبتشوفين كيف ان نظرتك بتتغير للدراسه انا زمان كنت بمدرسه تسد النفس لا اخلاق ولا تعليم والحمدلله اتنقلت غصب عني وفعلًا خيره من كل النواحي تركت التعمق بالعلاقات مع الصحبات علاقاتي معدوده على الاصابع واحاول تكون سطحيه قد م اقدر .. الصُحبه حلوه اكيد لكن انا عن نفسي ماني حابه بدا الوقت كل تركيزي وطاقتي يكون على دراستي ماني حابه عامل تاني يأثر على تقبلي للمدرسه او يكون سبب بسعاده يومي لإن بكل بساطه يقدر يكون سبب شقاء وزي م رحتي جيتي .. صفي ذهنك رتبي افكارك واولوياتك والله يوفقك