يابعد عمري يام دحومي

مادخلت الموضوع الا يوم ارسلتيلي بالخاص والمشكله ايميلي مقفل

حبيبيتي شمريه مشكوره ياعمري والله ماقصرتي

والله انك نشميه نبهتيني لسالفه شوز ماكانت ببالي <<< ولا يهمك الحين كتبته مع الاغراض

طيب ياعمري لو جبت الرسيفر يركب عندهم يعني مايختلف النظام

وودي اسأل عن الحمام وانتي بكرامه اجيب معي رشاش اركبه بالدش ولا موجود بالمحلات العربيه

اى يركب عندهم طبعا على تردد الهت بيرد طبعا اول ما تبرمجين بتطلعلك قنوات يالله سترك انتى عاد بعدين احذفى اللى تبينه وخلى اللى تبينه ...
ومن ناحيه الرشاش جيبي معك لانى ما اظن تلاقينه هنا بس عموما بسال زوجى عن هالموضوع ..لان زوجى مركبه من زمان قبل اجى فما ادرى والله هو جايبه ولا ماخذه من هنا .؟
بس انتى وحظك لو رضى صاحب البيت تركبينه بعضهم ما يرضون تسووين ولا شي بالبيت ..

اى وبعد بقولك شغله ....جيبي معك ساعه تاذن بصراحه بتفقدين الاذان حييييييل ....
ولو بغيتى اي شي ثانى ياقلبي قوليلى ..

اى تذكرت بقولك شي
هنا ما يصرفون اى دواء بدون وصفه طبيه ....لو عندك بيبي وله علاجات معينه مثل الفيفادول والجينفن او غيرها ..او حتى لك انتى وزوجك
جيبها معك لانهم دقيقين من ناحيه الوصفات مو مثلنا
انا جتنى حساسيه بوجهى ورحت باخذ كريم ما رضت تعطينى اياه الا بوصفه ..

من ناحيه الرشاش سالت لك زوجى يقول ماعمرى شفته هنا ,,,لانه جابه من الرياض @@

يابعد عمري ياشمريه والله اني تعبتك معي

الرسيفر قلت لزوجي وقال خلاص ان شاء الله بناخذه

والادويه كمان

طيب انتي الرشاش الي عندك مركب بالبانيو ولا جنب التواليت

لانه تعرفين ماعندهم تصريف
وانا ابيه بالبانيو عشان اقدر انظف بنتي

اذا كان الي عندك بالبانيو تكفين قولي لي ايش شكله او من وين اخذه زوجك لاني ماودي اجيب شي وبعدين مايركب

والله يجزاك مليون خير ويخليك زوجك ويسخره لك يارب