الدراسه قربت ؟ خايفه ؟ كل شي هنا تعالي...

السلام عليكم ورحمة الله وبركاته .
اول مشاركة ليّا بالمنتدى واتمنى يكون موضوعي بالقسم المناسب :p

المدارس على الأبواب :) إيش شعوركم ؟ وكيف المغص ؟ اشتريتو أشياء المدرسة ولالا ؟ ماباقي الا كم يوم وانا لين دحين ما اشتريت ولاشيء حتا المريول هههههههههههههههههههههههههههههههههههههههههههههههههه =) وبحكم اني ادرس في مقررات فما اشيل هم الخياطه الحمدلله مريحينا ومخلينوو جاهز نروح نجيبه من الثوب السعوديي =D

أنا عن نفسي حبدأ السنة الجديده دي وكلي أمل اني اقدر اجيب نسبة عاليه ان شاء الله , مافي شيء مستحيل لا علي ولا عليك بس يبالنا شوية شده على نفسنا .

أنا *واعوذ بالله من كلمة أنا* يوم كنت بالمتوسط كنت ادرس بمدرسة تحفيظ قرآن وكانت نسبتي ماتنزل عن ال99ماشاءالله وفكل المراحل 99,33 و 99,70 *اذكروالله* وانا كنت عارفة انو سبب نجاحي وتوفيقي القرآن *بعد الله طبعا*
السنة اللي راحت كانت اسوء سنة بحياتي * مرحلة جديدة ونظام مقررات وصحباتي مو معايا ومدرسة ما اعرف فيها ولا احد * فكان صعب علي اني اتعرف ع بنات كتير لإني خجوله وحياوية , وكنت دايم ابكي عند ماما اني ما ابا المدرسة دي وما ابا اكمل فنظام مقررات وحنقل لمدرسة عامه وكانت تقولي استني لين الترم الاول يخلص واذا برضو ما تاقلمتي مع البنات ومع النظام حنقلك وسمعت كلامها , بعدين جلست مع نفسي وقعدت افكر وأقارن بالنظام العام ونظام المقررات واستنتتجت انو العام اسهل من المقررات بس العام اكرف فيه كرف الويل ووانا ما احب الكرف ابدا :p وخلاص دخلت فكرة المقررات براسي وحبيت النظام دا بس المشكلة التانيه مع البنات ؟ نص الترم عدا وانا متعرفه على بنات قليل يعني ينعدو بالاصابع وقعدت اقول فنفسي لو نقلت مدرسة تانيه برضو نفس الوضع ما اعرف احد فيها وحتعب و و و ... الخ وما كإنك يابو زيد غزيت :)
المهم عدا كم شهر وبديت اتعرف على البنات بالتدريج وسرت اعرف يمكن فوق 30 بنت وكلهم من جميع مراحل الثنوي :) وكانو طيبيبن مرة بس عندهم مشكلة الدراسة :( هم ويييييين والدراسة وين على قولة ماما هم فكوم والدراسة فكوم تاني :P
وانا سرت زيهم ما اذاكر الا بليلة الاختبار وسرت مهملة ما احل واجباتي الا ف الصباح الوكاد اني اهملت نفسي , تتوقعو كم نسبتي سارت ؟ تخيلو من 99 ل 93 !!!!! انصدمت صددمممههه قوييييييييييههه وقعدت بس اصارخ واصيح كاني مجنونه وحبست نفسي بالغرفه اسبوع عشان ما اشوف لا ماما ولا بابا , ضيعت سنة اولى على الفاضي وكنت بالمتوسط من زود الدفارة اذا نقصت نص درجه ولا ربع ابكي واقعد زعلانه :) < الصحبات لهم دور
المهم الترم التاني شدييت حيلي مرة بس صحباتي هم نفسهم صحباتي ماغيرتهم بس خليت دراستي فوق اهم شيء والحمدلله الترم التاني جبت نسبة 95 هي كانت برضو مو حلوه بس يلاا شيء احسن من لاشيء .
< دي حكايتي بأولى ثنوي ودحين اتمنى بس انو السنة اللي راحت ترجع بس عشان احسن من مستوايا , بس يلا الححمدلله


أنا اقدر اجيب 99 وانتي تقدري تجيبي 99 وكلنا نقدر نجيب ال99 مافي احد مايقدر , انا عندي عقل وانتي عندك عقل وعقولنا كلها وحده مافي احد يختلف عن التاني بعقلو بس اهتماماتنا مو وحده , في الترم الاول كان اهتمامي بس صحباتي والحفلات والجمعات والدشرة وجبت نسبة خايسه والبترم التاني كان اهتمامي دراستي ونسبتي والحمدلله جبت النسبة اللي راضيه عنها واهلي كمان .
بالترم التاني سرت حريصه اكتر على واجباتي وملفاتي وكتبي والبحوث ,
المهم خلاص زي ماقلنا المدرسة ماباقي شيء عليها ولازم نهيء نفسنا للدراسة وانتبهي انتبهي تكوني متشائمة ومالك نفس لها لانو دا حيأثر عليك وعلى دراستك

خلي أملك بالله كبييير وحافظي على الوتر وخليلك كل يوم ورد من القرآن ولو صفحه وحده وادعي دايم ربي يسهلك ويوفقك وصدقيني حتوصلي للي انتي تبيه


تاني شيء الثقة بنفسك ؟ كيف يعني ؟ لازم تكوني واثقة من نفسك مو تجي وتذاكري وتتعبي بعدين تقولي فنفسك يالله انا مقدر اعدي على دي الماده , هففف مره صعبه مو قادره افهم , انا دارية اني بجيب درجه مو حلوه , انا ليه قاعده اتعب نفسي واذاكر زي كدا ليييه؟؟ انا انا انا ........ الخ
انتي قاعده تبذلي جهدك وتاكري وبنفس الوقت تحطمين نفسك وقاعده تهدمي اللي تبنيه من آمال وطموح ونجاح و الخ... < حسيت اني فيلسوفه المهم معلينا
انا اذكر اني جبت لوحه ولصقت عليها الاوراق الصغيرة حقت الملاحضات *بشكل عشوائي طبعا* وكانبه كلمات فيها وجمل تديني امل وتقويني زي كد يعني * انا اقدر اجيب 99 , انا حلوه , انا واثقة من نفسي , انا عاجبتني * زي كدا عشان تزرع الثه فيا كل ماشوفها .

تالت شيء اهتمامك بمذاكرتك وواجباتك اول بأول مو تغلطي نفس غلطتي يوم الاستاذه بتجمع الملفات والدفاتر اروح اكمل ؟ ومذاكرتك كمان أول بأول , انا اعرف مصرية دافورة ماشاءالله وكانت معايا باولى ثنوي بالفصل سالتها كيف تذاكرين وكيف جبتي 99؟ قالت *واللهي يختي انا مابعملش حاقه بس كل درس بزاكرو اول بأول وبوقتو وكل ماحسيت اني فاضيه بروح على غرفتي وبنثر كتبي وأبدا ازاكر من اول وقديد * < دا كلامها كامل مكمل مانقصت ولا زدت .
خصصيلك فكل يوم ساعه تقابلي فيها الابتوب حقك وتطبعي الواجبات والبحوث

رابع شيء لا تعتمدين على غيرك ابدا , مو تجي تقولي لصحبتك حليلي هوا او تحليه قبل ماتروحي على القاعه وتحلي اي كلام وانتي مو داريه ربنا وين حاطك ومنتي فاهمه شيء , انتي كدا قاعده تدمري نفسك بنفسك , يعني اديك هيا على بلاطة اشياءك انتي سويها بنفسك


خامس شيء عندك ماده ماتفهمين فيها شوفيلك حل من بدري يا انك تقعدي على راس الاستاذه وتخلينها تعيد وتزيد بالشرح لين تفهمين او تجيبي مدرسة خصوصيه او تستعيني بوحده من صاحباتك المهم انك ما تهملي الماده وتراكمي الدروس والوحدات على بعض


اخيرا اذا كان عندك اختبار ذاكريه من البيت مو تجي ف الصباح وتفتحي وجهك مع السواق وتذاكري او تطلعي الماده ب*** تانيه وتبدي تذاكري :)؟ كدا خسرتي حاجتين الحاجه الاولى انك ما انتبهتي مع الاستاذه لدرسها وبلكن الدرس حيكون صعب وبعدين تروحي تجري ورا البنات عشان تبيهم يشرحولك :P الحاجه التانيه حتخسري درجاتك في دا الكويز , بالله قوليلي كيف تذاكري بمكان فيه رجه سوائن الرجه كانت من شرح الاستاذه او رجت زميلاتك ؟ خلاص ذاكري من البيت مالو داعي للحركة دي واضربي عصفورين بحجر واحد , مذاكره من البيت = تكسبي شرح الابلات وتكوني فاهمه عليهم + تجيبي درجات كويسا في الكويز دا


وللمرة المليون اقلكم استقبلو الدوامات بقلب شرح ومافي اي حاجه صعبه لا علي ولا عليك بس الهرجه يبالها شوية همه وتعب ومافي اي شيء يجي بالسهالات , عشان تحققي هدفك وعشان احقق انا كمان هدفي لازم نتعب ولازم نطيح بس لو طحنا حنقعد ومحنقوم ؟ لا غلط لازم نقوم ونحاول لين نوصل للدرجه اللي نباها
ولا تخلي اي احد يعلق عليك او يحطمك مين ماكان ولا تنسو الدعاء تراه شيء كويس مرا ’(
وادعولي اجيب معدل عالي ويحققلي كل اللي اتمناه واذا تبوني انزل عنايتي بنفسي ايام الدراسه قولولي وانا حنزلة باذن الله .
قبل ما اروح دايم اشوف مواضيع عدد مشاهداتها كتير بس مافي احد يرد ! طيب قدرو التعب شويه وردو ولو بس بنقطه '(
لنا لقاء *****الله