الدرعمة وسوء الظن !!

الدرعمة .. او سوء الظن ، انتبهي ساهر امامك .


بسم الله الرحمن الرحيم . .
الدرعمة لغير الناطقين بالسعودية هي :( انك تشن هجومك اللفظي او الجسدي على الشخص الماثل امامك بدون تركه لاكمال حديثه او فكرته او رأيه ).
اتمنى فهمتوها 😬

مثال ، وحده تقول في جلسة
اووف اليوم ما صحيت الا الساعة تسع الصباح
طبعا المدرعمات والمدرعمين بياكلون وجهها من السب
يا الكافرة احد ينام عن الفجر ، هذي من صفات المنافقين ، كله من السهر اللي ماله داعي الخ الخ الخ
لحظة لحظة ستوب انتي واياها وكلنا ،
مو يمكن هالحرمة ما عليها صلاة 😬

،
مثال اخر
رجل اخذ زوجته في سفرة امه كان خاطرها في البلد وتركها ما اخذها .
طبعا سمعنا من الكلام ما الله به عليم
عقوق والدين ، زوجة فاجرة ، ابن عاق ، الخ
نهاية الموضوع الام حصل لها ظرف ولم تذهب !!!
طيب ايش استفدنا من الدرعمة وسوء الظن
1:-اغتياب وسب للشخص المعني يالموضوع واحنا مو فاهمين شيء ، مو يمكن القاضي راضي !!
2:- كرة الاخرين وتفكك الاواصر الاجتماعية اكيد كل وحده فينا واجهت مدرعمة ذات لسان سليط تأخذ من السالفة رأسها وتبدا باطلاق الحمم البركانية والقذائف واكيد هالشيء مزعج مزعج خاصة اذا مجلس مليان حريم 😳😬

3:- خالفنا النهج النبوي في احسان الظن و كذالك مخالفة النهج النبوي في الكلام اللين الهين كم رد هنا في عالم حواء بمثابة قنبلة نوويه وفي الاخير تطلع فاهمة غلط فوق كلامها السم

طبعا هالكلام اللي فوق اتركوه احسه فلسفة 😬
تعالوا هنا { قبل اي كلام او فعل ينقل لك تأكدي مليووون وميتين مره هل هو صحيح او لا ، حطي جميع الاحتمالات في بالك لان الواحد ما يشن الهجوم ويطلع غلطان ويسلم ! لا طبعا بتكون طامه فوق راسك }
مثل وحدة اعرفها شانه هجوم على زوج قريبة لها لانه سافر بزوجته ولم يذهب بقريبتها
و كلام يخرب بيوت يطلع من بين شفايفها !!
و طلع الموضوع ان قريبتها رافضه السفر لتلك المدينة !!
و الا وحده تمسك كلمة من موضوع في المنتدى
ويبدا القصف
احسنوا الظن يا اخوات
لان فيه ملك يكتب كل شي

اتمنى الموضوع يوصل بالشكل المطلوب
اعذروني كلامي مخربط , هالايام عندي مشكلة
وشاغلة تفكيري ، دعواتكم بالفرج ♥️
والله من وراء القصد