الدريل

اول شي لازم القطع البلاستيك اللي راح تثبت فيها المسامير يكون طولها مناسب لطول المسمار
بعدين استخدمي القطع الستيل اللي مع الدريل (الحفارة)والخاصة بالجدران لأن بعضها يكون مخصص للخشب وبعضها للألمنيوم وهكذا...0استخدمي العرض المناسب للبلاستيك يعني لا تستخدمين حفار صغير لمسمار حجمة كبير
بعدين شوفي المسمار ..يعني خذي المسمار وحطيه على القطعة اللي راح تحفر الجدار حتى تستطيعي ان تقدري بالتقريب طول الحفر يعني اشكثر راح تحفرين في الجدار
بعدها قبل ما تشغلين الدريل حاولي انك بطرف الحديدة (الحفارة) ان تثقبي الجدار (يعني احفري حفرة صغيرة بواسطة طرف الحفارة )قليلا حتى تثبت القطعة (الحفارة) بعدها شغلي الدريل وتوكلي على الله بس تأكدي انه لا يوجد اي مسار لخط كهربائي او مائي خلف الجدار والا ...
ومن ثم شغلي الدريل واحفري الى ان يدخل الحفار في الجدار الى الطول المرغوب فيه
وبعدها ادفعي قطعة البلاستيك في الحفرة يدويا او بمساعدة من المطرقة ( لاتكسرين الطوفة وتقولين انا قلتلج ما يخصني تراني حذرتج)
وبعدين ياريت لو تجربين في طوفة ما تستخدمينها قبل ما تحفرين عسب ما تبهدلين الدنيا
(البسي نظارات بلاستيك..واذا ماعندج البسي نظارة ديور تنفع واذا ما عندج نظارة حد من اليهال تنفع )
واذا ما عرفتي ..اطلبي مساعدة صديق
هههههههههههه
اختج تخصص دريل واذا احتجتي مساعدة لا تترددين

هلا اختي المشغولة

مشغولة ورديتي على ماقصرتي والله

شوفي بالنسبة للقطعه البلاستيك طقيتها بالمطرقة بس للاسف انكسرت

وحاولت مره ثانية وهم انكسرت؟؟ظ ياربي شسوي؟؟

وعلى انواع المسامير لقيت بالبوكس ثلاث انواع وواحد مكتوب علية حق الخشب اما النوعين الثانيين مادري حق شنووو




وشكرا

والله اتمنى تفيدونا في استخدام الدريل

نفسي اتجرى واستخدمه بس اخاف من صوته ومنه لما يهتز

واتمنى اذا في انواع سهله في الاستخدام تدلونا عليها لاني احتاج استخدمه في اشياء كثيرررررررررة

اسمحيلي ناعومي ماشفت سؤالج غير اليوم
طبعا بالشرح راح يكون صعب اني اقولج اي نوع من الحفارات خاص بالجدران
ياريت لو تسألين واحد يعرف هالأشياء
لأن سوء استخدام الحفارات راح يؤدي الى انكسارها واحتمال ان القطعة المكسورة تندفع بقوة نحو وجه الشخص المستخدم لها
بالنسبة للبلاستيك انكسر يمكن ان الحفرة صغيرة حاولي انك تستخدمين حفارة اكبر شوي من قطعة البلاستيك وبكل سهولة بتندفع قطعة البلاستيك في الطوفة واذا علقت في مكان ما اثناء دخولها في الحفرة عندها استخدمي المطرقة وتكون الضربات خفيفة وتأكدي من ان قطعة البلاستيك مستقيمة في الحفرة وليست مائلة لأنها طبيعي راح تنكسر اذا كانت مائلة وانت تدقين بالمطرقة
وبعدين اثناء الحفر (اذا تستخدمين اليد اليمنى في الضغط على مفتاح الدريل ) امسكي مقدمة الدريل باليد الثانية وادفعي الدريل شوي شوي للأمام حتى تساعدين الآلة في الحفر ويكون الدفع بخط مستقيم يعني لا تميلين ايدج لأن الحفرة بتكون مائلة وما بتنفع

هلاا اختي مشغووووله ماقصرتي


عرفت له اخييرا


صح صوته مرعب بس المهم عرفت له صرت خبيييره الحيييت خخخخخخخ


ويعطيكي العافية ماقصرتي