الدعاء ..

السلام عليكم ورحمة الله وبركاته ..

بصراحة هذي أول مشاركة لي ...

بدخل في الموضوع عشان ما أطول عليكم ...

أنا حامل في الشهر السابع ( نهايته ) ... رحت يوم الخميس عند الدكتورة عشان أسوي الفحص الشهري ... كالمعتاد ... المهم الدكتورة قالت لي كل شي تمام ماعدا وضعية الطفل ... الطفل رأسه فوق ورجولة تحت ... وقالت لي إذا أستمر الوضع بيكون ولادتي بعملية ... بصراحة أنا خفت ... لإن هذي أول ولادة لي أنا ....

أخواتي ... أنا مو معترضة على ولادة القيصرية ... بس أفضل الولادة الطبيعية ... أنا أحمد الله علي كل شي ... وما أريد أسبق الأمور ... وسبحان الله يمكن الله يسهل علي ...

بس أريد منكن يا أخواتي الفاضلات تدعولي إن الله يسهل علي ... وإللى عندها فكرة عن الطرق إللى أقدر أخلي الطفل يكون بالوضع الطبيعي ( مقلوب ، رأسة تحت ) ... أتمنى تفيدوني ...

متأكدة أنكم ما راح تبخلوا علي حتى لو بدعاء ....

* والله يرزق كل محروم بالذرية الصالحة ... إن شاء الله *