الدعاء المستجاب "لا تردوني الله يخليكم"

كلنا نعرف انه من الدعاء المستجاب دعوة المسلم لاخيه المسلم بظهر الغيب
وانا وحدة محتاجه هالدعوة منكم مع اني الحمد لله منذ سنوات حريصة على الدعاء لي ولغيري ولكن ما اثار الحزن في نفسي مكالمة من وحدة من صديقاتي تزوجت بعد الجامعة على طول الله يهنيها
مع السواليف جت سوالف الخطبه والعرس في البداية قالت ان البنت اذا وصلت 24 و 25 سنة من دون زواج بتكون كبرت وصعب تتزوج وهي عارفه ان عمري 27 سنه وما تزوجت قالت هالكلمة من دون اي مراعاة لمشاعري
في البداية قلت هالكلام زلة لسان منها وما تقصد لكنها استرسلت في الكلام وصارت تععد لي مزايا الزواج المبكر وقالت اني غلطانة اني ما تزوجت للحين!!!!!!!!
طيب انا اللي اخطب لنفسي قولوا لي وش اسوي هذا نصيب لكن الناس مو راضية تفهم
حتى اخواني يقولون لما نتزوج مستحيل نفكر بوحدة فوق 23 سنه مهما وصلنا من عمر !!! تخيلو يقولونها بوجهي دون اهتمام بمشاعري
وحتى اخواتي لو ارفض واحد تقدم لي تدرون ايش يقولون لي "دايم اللي يتشرط يتورط" يبوني اقبل باي واحد المهم اني اتزوج وخلاص تعبت منهم والله اني اذا حطيت راسي على المخدة اقعد بالساعات افكر في هالموضوع وتنتهي بدمعات على خدي ودعوات لربي انه يفرج لي همي
تدرون من معي الحين مولود صغيرعمره يومين ولد اختي عطتني اياه ودخلت تنام بس قاعدة في بيت اهلي اراعي خواتي وقت نفاسهم من غير ما القى احد يراعيني
ادري طولت عليكم بس اتمنى انكم تدعون لي ان الله يفرج همي ويرزقني بزوج صالح يريحني بع هالتعب كله احس عمري راح وانا لا زواج ولا اولاد
محتــــــاجة دعائكم..........محتــــــــــاجة دعائكم....محتـــــاجة دعائكم حييييييييييييل