الدفعه الثانيه من المرشحات في جداره 2012

السلام عليكم حبيباتي .. كيف حالكم

ماشاء الله تبارك الله اختي طلع اسمها في الدفعه التانيه لمرشحات جداره .. لاتقولو صح النوم ترا مادرينا انو دفعه تانيه الا اليوم ولا من صاحب اخويا اتصل عليه يقولو زوجتي واختك طلعت اسماءهم :39:

المهم رحت جري اتأكد لها وفعلا اسمها موجود لاقوه الا بالله .. واخيرا بعد 14 سنه تخرج اتعينت .. والله يابنات ماتصدقو الفرحه كيف مرا مرا اختي محتاجه الوظيفه ولسى امس عندها انا وقاعده تحلم لو تتوظف ايش ح تسوي وانها ح تشتري ارض اول شي و ووو ..
المهم بعد ما اتصلت عليها وقلت لها اسمك فعلا موجود ونفرح ونبارك الا والهدوء عم المكالمه قلت لها يا فلانه مو شهادتك ضايعه .. جاوبتني : ايوا صح ايش اسوي

وهنا دوركم يا اخواتي .. اللي تعرف كيف ممكن نستخرج بدل فاقد قبل المفاضله ومن فين نروح ونستخرجو و كم ياخد الاستخراج لا تبخل ..

واللهي يا بنات اللي تجاوب لها دعوه مني ومن اختي