الدق بالكلام

السلام عليكم ورحمة الله وبركاته
أنا ياجماعة الخير عندي مشكلة وحابه افضفض لكم والله ضايقة فيني الدنيا حاسه بنفجر يابنات أنا الله بلاني بأخت مغروره ولسانها طويل و24 ساعة تدق بالكلام اعطيكم مثال
أنا الشخص الي راح اتزوجه وجهه مافيه شعر طيب ؟؟؟
المهم ذاك اليوم شافت واحد في التلفزيون ماعنده لا شنب ولا لحيه قامت تقول يووووه وش ذا الخكري مافيه شعر شكله جنس ولا كمان تطالع فيني !!!!
يعني عشان المسكين مافيه شعر صار خكري لاحول ولا قوة الا بالله 😟 وغير كذا انتي عارفه الشخص الي بيتزوج اختك مافيه شعر ليش تقولين هذا الكلام !!!
وهذا نقطه من بحر والله العظيم يابنات انها ماخلت ولا عيب فيني مالمحت له
وأنا كثيييييييير اطنش واطنش لاني مااحب المشاكل لكن اشوف انها تتمادى لأنها عارفه اني فاهمه الدق ولاني خبله وعلى نياتي وعلى وجهي يبان اني زعلت على طول لكن الي يقهر لما الي حولك مو حاسين انها تدقني
وقد قلت لها انه انتي تدقين بالكلام وكذا لكن مافيه فايدة للآن على أسلوبها
والله مغبونه ماخلت شي في شكلي ماعيبت فيه صرت اقول اكيد صح وثقتي في نفسي اهتزت وصرت كئيبه أكثر وأنا اصلاً نفسيتي تعبانه من الأساس يمكن بسبب تراكمات ويمكن لا بس الي اعرفه انه نفسيتي تعبانه
الشي المضحك انها تتشمت فيني تقول انتي كئيبه !!! بدل ماتطلعيني من الي انا فيه تزيدني اكثر يعني انا ناقصه !!!
صرت اتمنى اتزوج بسرعه واروح لبيت لوحدي يمكن ارتاح من نفسياً
كلكم مر عليكم ذا الاسلوب في الجمعات وكذا لكن من اقرب الناس لك شي مؤسف والله
تخيلوا كل يوم على ذا الحال وكل ماتنغزني بالكلام اليوم الثاني ماتكلمني ياترى ليش ؟؟
لانها عارفه انها غلطت علي
قولولي كيف اوقفها عند حدها ؟ المشكله يعني كيف بواجهها ؟ لأنه ماسبتني علني لا من تحت لتحت
اعذروني ع الاطاله بس ماعندي احد افضفض له ومحتاجه نصايحكم اخواتي