الدكتورات والبنات ..أبي رايكم

مساء الخير...
سؤالي للدكتورات والبنات ،الحين صار لي شهرين الدورة تجي في نفس الموعد(منتظمة) ،لكنها مو طبيعية،في الشهر الماضي كانت خفيفة لكنها هذا الشهر مرة خفيفة،بدايتها دم أسود مثل الوسخ وبسيط
مع اني من النوع اللي بيتحرك في الدوام وفي العادة يزيد نزول الدم اثناء الدورة مع الحركة لكن هذي المرة غير ماادري ليش، مع انها كانت تبتدي بدم أحمر وتستمر 5 ايام وتنتهي بدم أسود.
والحاجة الثانية اني اعاني من اعراض غريبة بدأت تظهر لي في اليوم الرابع من نزول الدم وهي دوخة +نعاس فظيع طول اليوم في الدوام+ لوعة + آلام في أسفل البطن واحيانا كثيرة في الجانب الايسر.
ماادري شو سالفة هاي الاعراض،
حللت في اليوم الخامس وطلع خط واحد(مافي حمل)اليوم هو ال18 من يوم جتني الدورة(استمرت 7 ايام وهي خفيفة)
صباح اليوم جاتني اعراض وهي الم فظيع اسفل البطن واحيانا يجي على الجانبين الايمن والايسر وفي الظهر ، مع لوعة قوية ودوار يصاحب الآلام.
آسفة طولت عليكم لكني مالقيت احد غيركم اخبره . عسى ان تفيدوني