مرحبا اختي مهى
تاريخ اخر دورة لك تقريبا قريب من تاريخ اخر دوره كانت لي انتي كنتي في يوم 10 من شهر 2 ميلادي ونا تاريخ 12 من شهر 2 ميلادي يعني بينا يومين بالضبط .
وتبين الجد دكتورتي نفس الشي كل مره اروح لها تعطيني موعد وقبل اخر مره رحت لها قلت لها يا دكتورة احسبي مره ثانية لو سمحتي وعادت الحسبة مره ثانية وقالت لي اذا تاريخ اخر دوره كان 12من شهر فبراير اذا ولادتك رح تكون في 20 نوفمبر تقريبا . وهاذي الحسبة اللي لقيتها في كل المواقع و بنفس الطريقة اللي ذكرتها الاخت ليمونة .
يعني كل 20 من كل شهر ادخل شهر جديد . واذا على فرق اليومين اللي بيني وبينك اذا انتي موعد ولادتك تقريبا يكون 18 من شهر نوفمبر يعني من بكره تدخلين الشهر التاسع والله أعلم أو احتمال مثل ما قلتي 20 نوفمبر. عموما هم لازم يزيدون اسبوع على موعد الولادة هذا اللي اعرفه .
عموما مستحيل تكونين في بداية الشهر الثامن في الوقت هذا .

الله يسهل عليك واتمنى اعرف اذا ولدتي وطلعتي بالسلامه متى بالضبط صار تاريخ الولاده . الله يهونك عليك وعلى كل حامل .:27:

مرحبا ..
نفس المشكله .. انا كنت احسب ودكتورتى لها حسبه خاصه ..
وآخر سونار قالت لى انى دخلت الخامس .. يعنى مثل ما انا حاسبه
قالت لى عمر الجنين 19 اسبوع
بصراحه حاولت احدد تاريخ الولاده لكن مالقيت الموقع اللى كانو حاطينه الخوات من قبل ..
ياليت اللى عندها فكره تفيدنى واكون ممنونه..
واللى تعرف تحسب .. آخر دوره كانت 11/6/1424
عاد انتو احسبوها لو عرفتو .. لانى بصراحه تعبت من كثر التفكير .. خايفه اولد قبل نهاية الفصل الثانى
او مع الاختبارات او بعدها ..
الله يهون علينا وعليكم ويقومنا بالسلامه اجمعين ..
سلام

اختي أم محـمـد الف مبروك الحمل
بالنسبه لج انا بحسبلج بالميلادي
اخر دوره كانت بتاريخ 10 اغسطس 2003
معناها تاريخ الولالاده المتوقع بإذن الله بتاريخ 17 مايو 2004 (27/3/1425)
بتاريخ 17 من كل شهر تدخلين شهر جديد
يعني بتاريخ 17 يناير ان شاء الله بتكونين خلصتي الشهر الخامس و دخلتي السادس

انتي الحين بالاسبوع 20 و بكره ان شاء الله بتكونين 21 اسبوع معناها كل يوم احد تدخلين اسبوع جديد

يا جماعة الخير أنا ولدت بتاريخ 23/11/2003

مرحبا ..
هلا والله بعروس الشرق .. بنت العين ...
يابعد روحى الله يعطيك العافيه ويجزاك الجنه انشالله ..
وفعلا طلعت نفس حسبتى تقريبا انا كنت متوقعه شهر 3
الله يسهل انشالله ..
ويعطيك الف عافيه ..
سلام