المبرمجة @almbrmg

عضوة فعالة

الدكتورة عطتني حبوب لتساقط الشعر بالجسم ..

السلام عليكم ورحمة الله وبركاته..

وشحالكم بنوتات عالم حواء العسولات شخباركم؟؟:)

جيتكم اليوم ومعايا خبر انما ايه بس عسى يفيد انا رحت عند

دكتورة عراقية عنا بصلاله

واشتكيت لها من الشعر الزايد بالوجه طلعت لي شعرات بذقني وببطني

عند السره فعملت لي فحوصات

ع الهرمونات وجهاز ع الرحم وقالت الحمدلله ما اعاني

من اي مشكلة بس اخفف شوي من وزني:(

وعطتني حبوب عشان يتساقط الشعر الزايد بجسمي وقالت انه ماله اي اعراض جانبية :42:

وانا اليوم بس اشتريتها وبعدني ماجربتها بس ادعوا لي انها

تفيدني يابنات اسم الحبوب العلمي

spironolactone والاسم التجاري Aldactone واهي شريطين

كل شريط فيه عشر حبات

يعني عشرين حبه واشرب حبتين الصباح بعد الاكل

وحبتين المساء بعد الاكل يعني لمدة خمس ايام

وقيمتهم ريال و600 بيسه يعني بالسعودية ب16 ريال سعودي ..

اتمنى من البنات اللي جربوهم يخبرونا هل فادتهم ام لا؟؟

وع العموم انا اول ما اخلص العلاج

راح اعلمكم بالنتيجه..:icon28:

81K

يلزم عليك تسجيل الدخول أولًا لكتابة تعليق.

تسجيل دخول

ابيض واسود2 • 17 سنة

انااول مره اسمع فيها ،،،بس تنفع للبنوتات من عمر 13سنه وطالع وشكـــــــــــــــــرا .:icon28:

المبرمجة • 17 سنة

مرحبا خيتو ابيض واسود2 نورتي موضوعي بس ما اظن انها تنفع للبنوتات اللي بهالسن عموما

خذي اسم الحبوب وروحي عند اي طبيبة متخصصه واسئليها وان شاء الله تلقين الحل ..

نـــــوارس • 17 سنة

المبرمجة :

مرحبا خيتو ابيض واسود2 نورتي موضوعي بس ما اظن انها تنفع للبنوتات اللي بهالسن عموما خذي اسم الحبوب وروحي عند اي طبيبة متخصصه واسئليها وان شاء الله تلقين الحل ..

مرحبا خيتو ابيض واسود2 نورتي موضوعي بس ما اظن انها تنفع للبنوتات اللي بهالسن عموما خذي اسم...

هلا عزيزتي ..

أنا بصراحه أول مره أسمع عنهااا ..

بس هااا خبرينا .. فادتج ولا لأ .. شو نتايجهااا ؟!!

عسى ارتحتي منهااا !!

و تسلمين .. والله يعطيج العافيه ..

خلطبيطة • 17 سنة

هذه حبوب للضغط المرتفع + مدرة للبول للتخلص من الأملاح الزائدة في الجسم و احتباس الماء
aldactone (pfizer
من الأعراض الجانبية النادرة لهذا الدواء نمو غير منتظم للشعر - كل شعر الجسم أي من الممكن تساقط شعر الرأس..... عندك علم عن هذا الدواء أختي المبرمجة؟
أنا أعرف عنه لأن امي تأخذه للكلى ( لإزالة الأملاح و الإحتفاظ بمعدل البوتاسيوم ) لكن شعرها يتساقط حبيت احذرك
وممكن ترجعين للطبيبة و تستفسرين اكثر
بالتوفيق

ستيلا جيفنشي • 17 سنة

مشكورة