عرضته على طبيبة أطفال وقالت انها اكزيما وما لها علاقة بالتطعيم
وصفت لي مضاد ايريوس 3 مل كل 12 ساعة لمدة يومين عشان الحكة
ومرهم فيوسيكورت 3 مرات في اليوم الى موعد المراجعة لمدة اسبوع

وقالت لي اذا في تطعيمة المرة الجاية في الايد قولي لها تطعمه في الفخذ لان عضلة اليد ضعيفة وما تتحمل ايش رأيك يا دكتورة؟ تطعيمة السنة كانت ابرتين في الفخذين وابرة في اليد وقطر في الفم

ولا منعتني من الروائح العطرية عادي استخدمها؟ ما استخدمها كتير ولا اقرب على يده
اوقفها والا عادي؟

وشكرا يا دكتورة

سلام يادكتوره
ولدي عمره سنه وشهر ولايجلس ولايحبي ولايمشي يجلس بس متسند ينتبه ويسمع يعرفني ، ومايمسك شي بيده علي طول يتركه جسمه رخو حيييل وديته كذا مستشفئ بعضهم يقول عادي وفي دكتور واحد قالي انه متلازمه داون فهل ولدي طبيعي ام صحيح كلام الدكتور الاخيير

السلام عليكم
دكتورة ولدي عمره سنتين و تسعة اشهر من شهر شعبان وهو يعاني من قيء واسهال الله يكرمك
وديناه اكثر من مستشفى ومركز صحي حكومية وخاصة كلهم يقولون تسمم او نزلة معوية
ولدي كان وزنه 16 والحين 11 فقط في شهرين خسر 5 كيلو صار فيه ضعف شديد و الاكل ما ياكل أي شي ولو بس يشرب موية يستفرغ وانتي بكرامة منذ يومين اصبح لديه انتفاخ شديد في البطن عملنا له تحاليل دم وبراز وظهرت النتيجة انه سليم
بقي اشعة فقط لم اعملها
اخر شيء رحنا لدكتور منعنا من كل شي الا خضار ورز مصري وبسكوت شاي وتفاح وموز بالاضافة الى الحليب الخاص بالاسهال مع ان ولدي فطمته من عمره سنتين ولم الاحظ أي تحسن لا زال الاسهال موجود ذو رائحة كريهة وبه زي الاغشية المخاطية

الحين وش باقي اسوي ارجو ان تفيديني؟؟؟

]طفلي عمره تسع شهور ولايجلس وظهىت اسنانه التي تحت واعطيه الفيتامينات باستمرار والناس يقولون لا يكفي لابد من تعرضه للشمس هل صحيح ما يكفي من اعطاهه القيتامينات فقط وهو ينقلب هل عادي عدم جلوسه وزنه 8 ونصف

السلام عليكم دكتوره .. بنتي عمرها شهرين ونص كثيرة الاستفراغ كان حليبها سميلاك ذبحها امساك وتفاجأة ان تاريخه قديم لاني شريت اخر مره لقيت بينهم 5 سنوات فرق في العلبه  من اسفل التاريخ زين لكن شركة ابوت مكتوب عالعلبه 2008 ابوت و الجديد اللي خف المغص عليها 2012 هل يؤثر على معدة بنتي شهرين وهي تشرب هالحليب هالقديم واشوفها ماتبي ترضعه 90 مل ولا تكمله من قوة المغص والاستغراغ احيانا مثل النافوره تطرشه وبعدها ترتاح وتنام ادوية المغص ماكانت تريحها ابد .. من كم يوم غيرته لحليب بيبلاك الحمدلله ناسبها ترضع 90 مل كامله الحمدلله وزنها يوم كملت شهرين 4 كيلو و 900 غرام .. اش رايك بحليب بيبيلاك استمر عليه ؟وهل الكالسيوم اللي فيه يكفي بنتي او اعطيها زياده نقط كالسيوم ؟.. وهل وزنها مناسب لعمرها؟ الاستفراغ مازال معاها لكن اخف من سميلاك واحيانا تطرشه بقوه مثل النافوره وتنام بعدها ترتاح مادري هل معدة البنت تأثرت من الحليب القديم ؟ صحتها كويسه الحمدلله