السلام عليكم .. دكتورة

أنا ولدي عمرهـ ثلاث سنوات و نص .. قبل ست اشهر علمته على الحمام وكل شي تمام الحمد الله ..
الا البراز مايرضى يعمله الا في البامبرز ..وحتى لو منعته يمسك نفسه ويعاند لحد مالبسه البامبرز ..
علما انه معاه امساك من زمان

اعطيني حلول جزاك الله خير

دكتوره وزن طفلي كيلوين وقت الولاده بعده جاه التهاب بالصدر وهو الحين باقي بالمستشفى له شهر اعطوه مضاد بعدها قله رضاعته والاكسجين قل وبعدها تحسن وجاء ولدي فتق اربي وصلحوا له عمليه وكذلك عمليه ختان خدروه كامل بعدها اعطوه اكسجين صناعي لان حنجرته رخوه وشالوه بس حاليا باقي يعطونه اكسجين خفيف والرضاعه بالانبوب وامس قالوا عنده نقص هيموجلوبين نسبته 7.8ونقلوله دم وزنه نفسه ما ادري ايش السبب في اللي يصيرليه عملوله اشعه وتحاليل وكل شي سليم

السلام عليكم
انا ولدي عمره سنتين وشهرين جا رجله اليمنى انتفاخ مفاجئ ومايستطيع يمشي عليها ويبكي ليل ونهار
وديته المستشفى عملو له تحليل دم طلع عندو انيميا منجليه نسبة التكسر 77% ونسبة الهيموقلوبين 8.8
كتب له الدكتور مضاد حيوي اسمه اوجمنتين 5مل مرتين في اليوم لمده يومين ثم 2.5 مل مرة باليوم لمده اسبوعين ولي اسبوع وانا على هالحال ولا شفت للأن اي تحسن بماذا تنصحيني ؟
وحاليا تأتيه نوبات الألم تستمر حوالي اسبوع وانتفاخات عند حدوث الجفاف ,, هل ممكن تصير اشياء اخرى عندما يكبر لأن الدكتور خوفني قال هذي فقط بدايات
طمنينيني الله يرزقك الجنة وبماذا تنصحيني وكيف اتعامل مع هذا المرض

ولدي التهب حلقه عمره سنه و٣شهور ووصف له الدكتور مضاد وصراحه أنا مااعطيته خفت من المضاد لانه يقولون يضعف المناعه فهل عليه ضرر إذا تركت المضاد وبس اخفض حرارته بالتحاميل والشراب

السلام عليكم ورحمه الله وبركاته.
دكتوره ، عمر طفلي سنه يرضع طبيعي واكله قليل ،ايشش افضل حليب لعمر سنه يفيده.
،وزنه ٨ وللحين مايمشي. طبيعي او لا ؟