بنتي عمرها 8سنوات عندها انتفاخ اسفل البطن فوق الفخذ الايسر مباشره يظهر ويختفي احيانا مع تغير حجمه احيانا صغير واحيان يكبر اخذتها للطبيبه ووقتها لم يكن ظاهرا وقالت احتمال يكون فتق او الغدة الدرقيه مع الالتهابات في الجسم تنتفخ خصوصا ان وزنها قليل 18 كيلو والانتفاخ ظهر من سنتين وانا خايفة عليها مع العلم انها لاتشتكي من اي اعراض كالخمول والتعب مثلا

السلام عليكم
دكتوره ابني بعد اسبوع يكمل4اشهر وزنه الحمدلله كويس(7كيلو و700جرام)
المشكله من لما عمره 3اسابيع صار يكح وبلغم في صدره لما اوديه المستشفى يعملون له دفايه
بدون دواء فقط ماء ملحي وقطره ملحيه للانف
بس مافاده وبعدها وديته عدة عيادات خاصه الاولى وصفله الطبيب بنسلين وقطرة فنستيل ومافاده
والثانيه وصفله نفس الشي قطرة فنستيل تحسن شوي بس لازال تعبان من البلغم

ومن بعدها تركت منه الادويه بس قبل شهر زاد عليه المرض من كحه وبلغم والليل ماينام
بعدها سافرت تاريخ9واحد للعاصمه لمستشفى خاص كثير قالوا انه كويس
قال الدكتور ان عنده حساسيه فالصدر والظاهر انها وراثه لان زوجي كان عنده الربو وحساسيه لما انولد
المهم عطاه بخاخين واحد اسمهventalin والثانيflixotide
استخدم الاول وبعده الثاني لمده3اسابيع مرتين فاليوم وبعدها نرجع للدكتور عشان يشوفه
اول ايام العلاج كان في تحسن بس بعدها رجع نفس اول ومارحت للمراجعه لان زوجي سافر مصر عنده اختبارات..

يوم الاحد الماضي رجع تعب صار بصعوبه يتنفس ولعابه شفاف بس ثقيل مثل البلغم وصوت فالصدر والظهر ورشح خفيف مع اني ماافتح لا مكيف ولا مروحه وديته المستشفى وفحصته الاخصائيه وشافت البخاخات الي كان يستخدمهم قالت لازم اعمله دفايه عندهم وبعدها يقيسون نسبة الاكسجين,لما خلصنا وفحصت على الاكسجين اعتقد كان نسبته95 بس قالت لازال الصوت قوي لما فحصت بالسماعه على الظهر,المهم قالت نعطيع البخاخ الثاني مرتين فاليوم وبدل البخاخ الاول عطتنا سائل نفس الاسم نشيل منه تص مل مع 10 قطرات منatrovantمع 2مل ونص من المحلول الملحي فالدفايه لمدة 3ايام كل 6ساعات,الحمدلله تحسن اشوي بس لما خلص العلاج رجع من جديد تعب,اليوم الصبح قام يبكي رضعته ورجع نام حوالي 10 او ربع ساعه بعدها قام واستفرغ الي شربه الساعه11والعصر نفس الحاله بعد مارضع نام شوي وبعدها قام يضحك ومفرفش شوي ويستفرغ ونفس الشي الساعه 8بليل نفس الطريقه بعد الرضاعه ينام ولما يقوم يستفرغ بس حسيت صدره افضل والصوت راح تقريبا بس وديته المستشفى الطبيب قال استمر على نفس العلاج لكن استخدم البخاخين لمدة اسبوع والدفايه لمدة 3ايام ثلات مرات فاليوم بس بدونatrovant وقطره انفيه..للان ماتجرأت انام,اخاف انام ويستفرغ وهو نايم ومااحس او انتبه له غير كذذا عنده كحه..ايش اسباب الحساسيه وهل تظل معاه طول حياته وهل تأثر فيه هالادويه؟
دكتوره من لما كمل 3اشهر صار يحط اصابعه او ايدي في فمه ويعض عليها بالثه ولعابه زايد هالفتره بشكل فضيع هل معناتها نه بيطلع اسنان قريب؟وهل اقدر اعطيه اكل لما يكمل4اشهر؟وايش افضل شي ابتدي فيه؟
ملاحظه..الحمدلله للان ماسخن من انولد الا لما تلقى تطعيم وعمره شهرين والتطعيم الجاي السبت الجاي
سوري طولت عليكي

دكتورة ولي 2و10 شهور بس سعابيلوا تسيل زي لما كان يسنن معقوله انه اضراس وله في شي لاقدر الله

السلام عليكم دكتوره
اتمنى انك تجاوبيني
أنا حامل بالشهر الاول وأبي اعرف وش التغذيه الصحيه حق البيبي
ودمتي بخير

السلام عليكم يادكتورة


انا اللي بنتي فيها اكزيما وجلدها كأنه محروق


لا ... لم يرتبط بالحليب الصناعي ... كنت ارضعها طبيعي فقط ولما صار عمرها 3 اسابيع انتقلنا من مدينة باردة لمدينة حارة بعدها باربع ايام بدأت حبوب صغيرة انتشرت بالوجة ثم باقي الجيم واشتدت عليها اكثر واكثر بعد ذلك اضطريت اشتري لها الحليب الصناعي (( العادي وليس HA )) لاني موظفة ولاني لم اكن اعلم ان بها حساسية .... ثم بعد فترة اشتريت لها حليب الحساسية


انتظر اجابتك يادكتورة