سبحان الله كل شي بيده سبحانه ..
عموما النبض يبان من الأسبوع الخامس ..
بس سبحان الله بعض الأجنه يمكن يتأخر النبض لانه نموهم بطيئ أو يكون الخلل من جهاز الدكتوره ..
أهم شي روحي لدكتوره ثانيه واتاكدي قبل كل شي ولا تخلي نفسيتج تأثر عليج عسى خير يا رب ...
و لو طلع فعلا ميت حاولي تشربي أشياء حاره و من ينزل دم روحي المستشفى لانه خطر لو كان ميت ممكن يسبب لج تسمم مثل ما صار معي ..
أنا الدكتوره اللي كنت أراجع معاها كانت تظن انه الجنين نموه بطيء وقالت لي هالشي بس للأسف كان ميت و بعدها بشهر وقبل موعد المراجعه بكم يوم نزل علي دم اشوي ورحت لعياده ثانيه لانه الدكتوره اللي اراجع معها كانت مب موجوده و سبحان الله من رحت عند الدكتوره الثانيه قالت لي الجنين ميت من شهر ؟ قلت لها كيف شهر انا مراجعه من اقل من شهر تقريبا ثلاث اسابيع وكم يوم وانا احس بالوحام وألم في البطن وانتفااااخ بعد !! قالت هذا تأثير هرمونات الحمل فقط لا أكثر لانه الكيس بعده في بطنج و مسويلج تسمم هو اللي مسبب انتفاخ البطن !! و فعلا رحت وراجعت اكثر من مكان وتبين انه فعلا ميت .. والحمدالله على كل حال
فاحذري لانه التسمم بروحه بلاوي و يسبب لج توعكات وبلاوي ... وعسى يا رب خير
الله يعوضج خير ان شاء الله و ان شاء الله لو ربج كاتبه لج ان شاء الله يفرحج فيه ☺
والله يطمن قلبك يااااااااااااااااااااااااااااارب