السلام عليكم ..
انا حامل الله يتمم لي ولك حامل يارب ويرزقنا الذريه الصالحه .. مثلي مثل غيري ابحث عن افضل دكتور واحسن مستشفى وهذا شى طبيعي .. توكلت على الله وبديت اراجع عند الدكتوره شازيه مقصود بالحبيب فرع الريان ومرتاحه معها .. مالكم بطويل السالفه بحثت عنها بقوقل وبالمنتدى .. والاخبار ما تسر :44: اللي تقول تستعجل بالعمليات ..
واللي مولده قريبتها بفرع القصيم وقطعت حالبها وشقت مثانتها :09:
مع ان مجموعه من البنات يمدحون خياطتها بالطبيعي ..
اليوم كان عندي موعد معها وكنت مقرره يكون اخر موعد لاني خفت من اللي قريته .. دخلت عليها وتكلمنا بامور الحمل وكذا ويوم خلصنا قالت لها : دكتورة اقولك شى وما تزعلين ؟؟
قامت مدت يدها وضغطت على يدي وقالت : قولي اللي تبين اوعدك ما ازعل ..
قلت لها : انا قريت عنك تستعجلين على الوحده وتسوين لها عمليه ..
قالت : شوفي حنا نسوي احصاءيات كل شهر عن كل دكتوره .. كم ولدت طبيعي وكم قيصري وانا رئيسه قسم النساء والولادة ولو كنت سيئة ما كان حطوني بهذا المنصب وطلعت لي الاوراق .. مولده 94% طبيعي و6% قيصري ..وخلال العام الماضي ولدت 25% بس قيصري
وقالت كلام كثير وتاثرت باللي مكتوب عنها .. ونهايه الحوار قالت لي زي ما قريتي كلام غلط عني وعرفتي الحقيقه لازم تصححين سمعتي بين الحوامل ..
بس والله حسيتها صادقه و رحمتها وهي تتكلم ..
اللهم يسر لي ولادتي ورزقني طفل سليم معافى واكمل خلقه وخُلقه وجعله من عبادك الصالحين ..
$$ عفاف$$ @aafaf_12
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
الله يتمملك حملك يقومك بالسلامة