الدكتوره شميم والدكتوره حنان

الصراحة انا ما رحت للدكتورة لا دي ولا دي بس اللي اسمعه من الناس عن الدكتورة شميم انها مو حقت تأخر الحمل .. هي حقت وحدة حامل وتتابعها و كمان اذا عندك نزيف او شي امراض النساء المعروفة .. والله اعلم و عنوانها ما عندي بالضبط وانشاء الله الاخوات يفيدونكم .
و الدكتورة حنان ما قد سمعت عنها و ربي يرزقك الذرية الصالحة ...

إذا تبغين تحملين ترى لا هذة ولا هذة تصلح روحي للدكتور ة فاطمة العتيبي بسليمان فقية ...والافضل عن تجربة لاني جربتهم كلهم روحي للتخصصي للدكتور مازن بشارة او عثمان سندي او الدكتور احمد الراس بمركز النخيل ترى الرجال الدكاترة افضل من النساء الدكاترة في التشخيص وخذيها مني عن تجارب مريت فيها

انا والله مااعرف لكن مره سألت البنات ودلوني على الدكتوره نعيمه بالخيل يمدحونها بالمره بس مااعرف اذا هي تعالج مشاكل تأخر الحمل ولا لا بس اسألي عنها والبنات بيفيدونك بعد الله سبحانه

أنا كنت اروح لشميم قبل زواجي لكن توبت اروح لها مرة ثانية بسبب اسلوبها اسلوبها مررررررررة سيء ما تديك فرصة تحكي حالتك،بالرغم اني لما كنت بالجلسة حكتلي وحدة عن امها قالت جلست 10سنوات ما تنجب وتعالجت بعد الله عندها بس والله ان شاءالله ربي ما يحوجني لها ولا يحوجك.
وحنان ما اعرفها لكن الدكتورة فاطمة العتيبي ما فيه احد جربها الا ويثني عليها ويذكرها بالخير فأنصحك فيها احسن.
أنا أراجع حاليا عند دكتورة آمال بمستوصف الهجرة بجدة انسانة قمة قمة في التعامل والتشخيص لما تجلسي عندها كأنك المريضة الوحيدة عندها من اهتمامها .
الدكاتره الي قبلها كان بمجرد تأخر الدورة عندي يحللون دم اذا طلع سلبي ادوني حبوب تنزل الدورة على طول هي لا تصبر كم اسبوع بعدين تعمل لك اشعة تشوف بطانة الرحم وتتأكد اذا حمل مو باين او دورة مانزلت محبوسة تديك حبوب تنزلها او تبويض متأخر فتترك الدورة تنزل من وحدها تقول مايصير دائما وسيلتنا حبوب تنزيل تنزيل حتى حالتك تعودت على الشغلة هذه فأنا مررة مرتاحة عندها

ومستشرة خير بإذن الله.>>>>>>>>>>>>>قصت حياتها

حبيبتي معليش رجعت لموضوعك مرة ثانية عشان اتذكرت الدكتور احمد الرس اللي وحدة من الاخوات كاتبه عنو الصراحة انا ما رحت عندو بس زوجة المدير حق زوجي في الشغل راحت عندو و تقول انو دكتور قمة في الاخلاق و ممتاز و هذا رقم جواله الصراحة اخذتو منها
الدكتور احمد الرس 05055600676 وانشاء الله ربي يرزقك ... و نسيت اقولك انو بنت خالتي راحت لشميم و قالتلها خففي وزنك وهزأتها وتقول بنت خالتي كأني خدامة عندها ... تقول اول نحفي نفسك بعدين تعالي ,, ليش تأكلي كثير ليه وزنك كده و قالتلها روحي اول خففي و بعدين تعاليلي .. و لما راحت لدكتورة ثانية ولا شهر الا وهي حاااامل ... هذا كله من ربي العالمين بس الدكتورة المفروض ماتحطم المريض .. بالعكس المفروض ترفع معنوياته...و في وحدة ثانية اعطتني رقم دكتور اسمه الدكتور (( طافش)) قبل سنتين تقريبا بس انا ما رحتله لانو بعيد عند بيتي و تمدح فيه بالمرة تقول صح المستوصف في محل شعبي بس الدكتور بالمررررة خبرة و شاطر و هذا رقمه :
الدكتور ( طافش ) رقم العيادة وهي تحولك على الدكتور 6425244 و على فكرة هو صديق الدكتور احمد الرس .. لانو الدكتور احمد لما يسافر .. يرسل بعض من مرضاه الى الدكتور (( طافش )) . و حبيت افيدك وافيد البنات.... و ربي يرزقني و كل محرومة..