الدكتوره صورتني ونشرت صورتي في حساباتها

بنات تكفون قولو لي وش اسوي
رحت قبل كم اسبوع عيادة جلدية كان عندي حبوب كثيرة في بشرتي كشفت علي الدكتورة وسوت لي تنظيف وهي تنظف بشرتي صورتني قلت لها وش تسوين قالت اصورك قبل وبعد رفضت قلت لها ما ارضى اتصور احذفي صورتي قالت انتي كذا بتضيعين تعبي لازم اوري الناس شغلي قلت لها احترمي رغبتي لو سمحتي حق تعبك دفعته لك اضعاف مضاعفه عن العيادات الثانية واحترمي رغبتي قالت طيب
واروح البيت وقلبي قرصني دخلت ع حساب العيادة واضفت سناب الدكتوره الا اشوفها منزله وجهي في الحساب وعدى عالسنابه ١٨ ساعه وعندها شباب يتابعونها لانها مشهوره
ومنزله صورتي انستقرام بعد
بغيت اتجنن اتصلت عليها هددتها بالشرطه قالت لي ايدك ومابتعطي القانون لايحمي المغفلون قلت لها وربي لو مامسحتي الصوره اسوي لك خروج نهائي من السعوديه ياغريب كن اديب
وجلست تماطل مامسحت الصوره الا بعد مرور كم ساعه عشان تزيد عدد مشاهداتها
يابناااات بمووووت من الغبنه بمووووت من القهر كيف اخذ حقي منها
اتواصلت مع اداره المستشفى وحقوق المرضى قلت لهم ابي رد اعتبار للي حصلي اعتذروا مني وقالو ابشري وسحبو علي ومعاد صارو يردون
وانا حالفه لااخذ حقي منها اوقفها عند حدها واربيها الوقحه ذي
وششش اسسسوي 😭😭💔💔💔💔