الله يرزقك بالحمل والذرية الصالحة عاجلاً غير أجل
اما بالنسبة لزوجك فاعتقد لانه شايفك انت مهتمة بالموضوع فخلاص تاركك براحتك تسعي بالعلاج
وكمان الرجل مشاعره ماتظهر واضحة مثل المرأة يعني ممكن يكتمها ولا يعبر عنها

فعلاً اظهري له جانبك الضعيف ، هو حاس إنك قوية و منتي مهتمة فمايبي يكلمك بالموضوع .. انتي افتحي له قلبك ، وش يدريه انك محتاجة تسمعين كلام محفز ..


و أتوقع أنه مو مستعجل عالعيال هالفترة و شايف أن قدامكم وقت طويل فماله داعي العجلة. يمكن كذا تفكيره .

بكون صريحه معك الدكتوره كانت واضحه معك انتي بالمختصر عقيم ما تخلفي وزوجك يعرف فاكيد مرح يهتم لان حالتك واضحه لو فيه امل وعلاجه ممكن كان صح زوجك مهمل ولا يبيك تتعالجي بس انتي بالطب الحديث ماالك علاج بويضاات مافيه بالعاده اللي عندها ضعف بالتبويض بس بيسون تنشيط بحيث يصير عندها تبويض واللي عندها تكيسات بس تشيلها وتصير تحمل ولكن انتي من الاساس ماعندك بويضات مابي احبطك لكن انتي لازم تتقبلي الواقع ولا تلومي زوجك اهو واقعي وعارف انه بس بيخسر فلوس بدون نتيجه اذا مزال عندك امل لا تدخلي زوجك بالموضوع ولا تتحسسي عالجي نفسك بدون لا تجبريه على شي اذا تقدري لوحدك تروحي الاطباء وانصحك اذا زوجك كبير بالعمر خليه يروح يتزوج ولا ينتظرك لا بكره يجلس يلومك انك ضيعتي عمره واللي بعمره عيالهم طوله

حبيبتي الله يرزقك الذرية الصالحة ،، انا مقدرة وضعك ونفسيتك وانصحك لا تلجئي للناس فليس بيديهم فعل اي شيء الله وحده هو الرزاق الوهاب وهو بيده ملكوت السموات والارض وهو القادر ان يشفيك ويرزقك استغلي هذي الايام المباركة وتحري ليلة القدر وادعي بيقين بتذلل وخضوع ادعي ولا تفتري من الدعاء وتحري اوقات الاجابة ادعي وانت متيقنة ان الله سيستجيب دعواتك ،،
توترك هذا طبيعي وخوفك من سكوت زوجك انه حاط براسه الزواج ،، لكن صدقيني تصرف زوجك هو الافضل لك ،، تخيلي انه حنّه ورنّة فوق راسك يلطم ويون يبي الحمل والذربة ويحملك مسؤليه شيء ليس بيدك ولا بيده ،، سكونه من صالحك ولا تتوقعين الامر ما يهمه ،، توكلي على الله وفوضي اموك لله وارضي بكل ما قسمه الله ، فالرضى اعلى درجات الايمان بالله

رفع