الدكتوره والأخوات الفاضلات.. رايكم اغير الحليب؟

السلام عليكم جميعا

بنتي عمرها شهرين ونص وترضع صناعي لأني اهملت الرضاعه الطبيعيه ونشف الحليب من صدري بس رضعتها طبيعي فترة الأربعين.. بنتي اتعبت مره واظطريت اوديها الطوارئ بالليل وطبعا انا ابدا ماعندي خبره بشي.. المهم هي كانت تشرب حليب اس26 فلما وديتها الطوارئ الدكتور قال ان اس26 يسبب غازات بزياده وغيره لها الى ماميكس1 وانا على طول شريت الماميكس ورميت اس26 بدون ما اسأل .. ثاني يوم وديتها لدكوترها فتضايق وقال غلط انج اتغيرين حليب البيبي ومره ثانيه لو اي احد حتى لو انا قتلج غيريه لا تغيرينه لأنه ممكن يسبب لها اسهال..

المشكله المامكس طلع دنماركي فأيش اسوي؟؟ انا خايفه عليها.. وفي اي عمر اغير لها الحليب 5 او 6 شهور؟ وبأي حليب تنصحوني؟