عزيزتي موج البحرين انا معك ان الدكتور زيد كان من انجح واشهر الدكاترة في الاردن واجرى العديد من العمليات الناجحة ولكن هذا قبل زمن طويل فمن ثلاث سنوات الى الان لم اسمع سوى الشكاوى من المراجعين من قلة نسبة النجاح ومن الاستغلال المادي ليس با الضرورة من الدكتور ولكن من الذين حوله من الاطباء المبتدئين لانه لم يعد يجري العمليات بنفسه واحيانا لايجري الفحص الطبي
بنفسه وهذا ما أثر سلبيا على شهرته ولكن لعمرك عليك حق فهو قد كبر في السن ولم يعد بإستطاعته العمل كثيرا
وفعلا الدكتور معين طبيب ممتاز ولكن الفضل اولا واخيرا لله عز وجل فهو يرزق من يشاء
الله يرزقكم الذريه الصالحة اخواتي

اخواتي
الكلام الي رح احكي علمي و مو تجارب خاصة
الرجل الي عنده ضعف او مشكلة أشكال او لزوجة او ي مشكلة عند الرجل لا تحل بالأدوية... علميا لا يوجد اي حل لمشاكل السائل المنوي عند الرجل .. و ممكن اي رجل عنده حيوان منوي واحد يصير حمل عند زوجته بايد الله لكن علميا امر نادر الحدوث
و اذا رجل اخد أدوية و استفاد فهي تجربة شخصية علميا لا تعتمد
كل الف رجل زبطت معه فيه مليون ما زبطت معهم
فأودية لعلاج الرجل هي مضيعة للوقت و المال.
تانيا ٣٠٪‏ من العقم هي حالات غير معروفة السبب و يكون الزوجين وضعهم تمام و لا يحدث الحمل و العلاج هو اطفال الأنابيب و ممكن نفس هدول الزوجين يفشل معهم طفل الأنابيب و ينجح معهم الحمل الطبيعي يوم من الايام برضو هادي حقائق علمية بس العلم ما اعطانا الا اطفال الأنابيب.
تالتا فعلا هناك فحوصات ما الها داعي بتنعمل و فيه فحوصات الها داعي بس ما الها علاج او الها داعي و سواء انعملت او ما انعملت علاجها واحد متل تخثر الدم ... على فرض صار عندك إجهاضات متكررة و عملتي او ما عملتي فحوصات تخثر الدم شو العلاج.و ليس علاج بل وقاية . مهو مميع دم إبر و اسبرين بس الفرق انك مع الفحوصات ممكن تعرفي السبب اما العلاج واحد ما فيه غيره بس كيف تحكي لمريضة والله ما عملت فحوصات التخثر مهي ما حتخلي كلمة و تنشر بالمنتديات
رابعا دكتور زيد كيف رح يشوف آلاف المرضى بكل الزيارات
بشوفهم مرة مرتين... و بزيادة .. دكتور زيد برجع الأجنة للجميع و بحط البرامج للجميع و بولد الجميع طبيعي و قيصري الا لمن يطلب غيره و لمن يقول لا اريد ان انتظر او يعجب بطبيب اخر بمستشفى فرح و هاد هي قمة الذوق و الأخلاق و الرأي السديد
لانه بالاخر كل الدكاترة ما شاء الله عليهم و بفرح بالذات المرجع الأساسي دكتور زيد
انا لا أدافع عن مستشفى فرح ... بس مستشفى فرح و غيره كلها مستشفيات جيدة جدا بالذات القائمة على وجود عدة أطباء زي الاسلامي و الاردن و التخصصي و غيرها كلها مستشفيات ممتازة team work . خبرات متعددة و أطباء جداد بخبرات و علم جديد و fresh يتعلموا من خبرة الكبار و بقرؤا باحدث المواقع بتلاقي عندهم خلاصة العلم و المعرفة و الخبرة
خامسا
بمستشفى فرح و غيره
اطلب الطبيب فلان بيجيك ما حد يحكيلي كل يوم بفحصني دكتور
سادسا... ٣٠ دينار او ٦٠ دينار ... ايش دخول الغرفة بكلف ١٥ دينار يا جماعة وقت الطبيب و كلامه و تفكيره و علمه و عيونه الي سهرت تدرس و الناس نايمة و ولاده الي بشتهي يشوفهم و عمره الي ضاع بالدراسة و المناوبات و الشغل و هو قاعد مع المريض هاد يا جماعة الي بتحاسبوا عليه مو دخلة الغرفة
هاد طبيب عنده فكر و علم ما حيبيعكم أسواره دهب ولا سيارة و لا خضرة ولا حيعملكم شعركم بالليزر و لا كوافير ... طبيب يعطيك علم و وقت و هذا ما تدفع حضرتك ثمنه
سابعا... عشان تنصح الناس و تتحمل مسؤولية النصيحة ... لسا النصيحة ماشي بس الأسوأ انك تيجي بالدكتور و المستشفيات بالسوء ... لا تتكلم عن تجربة جارك و تجربتك لازم تتوسع بالعلم و تعرف انه التجارب بتنعمل ع آلاف المرضى مو على مية و ميتين الي حضرتك بتشوفهم و بتسمع اخبارهم
ثامنا ... اتحدى معظم المرضى يفضّل الطبيب على الطبيبة و الطبيب الي عنده كرش على الطبيب النحيل و الطبيب الكبير بالسن على طبيب شكله صغير و الطبيب المنفعل الذي يتحدث و يطلب الفحوصات على الطبيب الهادىء و قد يكون الاختيار خاطىء ... و مرات عالاسم كمان ..
يا جماعة وكُلُوا امركم ل الله و اتركوا الطب للأطباء
كل شي بالدنيا غالي و فرح مستشفى غالي بس سبحان الله حتى الاشي الغالي فيه اغلبيته رايح على الفندقة يعني أسعاره الطبية مو كتير أغلى من غيره بس الغرفة و الخدمة هي الي بتاخد معظم المبلغ و اجور الطبيب هي الأقل لو أتطلعت بفاتورة الحساب
اطفال الأنابيب بمستشفى فرح ممتازة و في معظم الوحدات المتخصصة بالإخصاب بالأردن الا حالات قليلة.
و انا كتبت و انكسرت أيدي لانه فيه فكر لازم يتغير و عقول لازم تتنور و الله يشفي كل مريض