مرحبا ياحلوين كيفكن سهرانين من دوني يلا اليوم سماح بما انو كنت تعبانة شوي
بنات نحن السابقون وانتم اللاحقون رهوفة شدي حيلك مابقي شي
شوفو ياحلوين اليكم التفاصيل بس ماتطفشو مني الله يعينكم علي
طلعت انا وجوزي من مكة ب6 الصبح وصلنا على جدة تقريبا 7 ونص وعملنا اجراءات الدخول كانت بصراحة دوخة وبعدين اخدت غرفتي
وبعدين حضروني للعمليةوالسستر حطتلي بأيدي الابرة مشان التخدير وهي اصعب شي كتير مؤلم وبعدين اجت اخصائية سألتني كم سؤال مشان التخديروبعدين اجت ساعة الصفر ههههه اخدوني بالكرسي وانا لابسة الطرحة والعباية فوق لبس العملية
اخدوني لعيادة الدكتور مجدي انا استغربت بالاول بعدين اتذكرت كلام الحلوة الرايقية
بنات حسيت مشوار كتير كبير من الغرفة للعيادة
وبعدين دخلوني لغرفة كتير صغيرة وفيها وحدة وكنا انا وهي كتير خايفين انا فكرت انو بعدها طلعت انا قبلها ودخلت على الغرفة وانا كتير خايفة يادوب لمحت الدكتور مجدي ودكتور التخدير قلي عدي بالعشرة بالعكس لسه ماوصلت لرقم 8 ورحت فيها
وصحيت ودكتور التخدير عبقلي الحمدلله على السلامة وانا سمعت هالكلمة وابكي ابكي بحرقة وبصوت عالي
بنات مابعرف شو صرلي ابكي من قهري وادعي يارب توب علي وتكون هي المرة آخر مرة يارب
وبعدين طالعوني على غرفتي بعد ماصحيت وصرعتون من البكا والحمدلله كنت صحيانة بس شوي دايخة
وبالساعة تقريبا 4 طلعت من المشفى بس قبل اجه الدكتور وائل وعطاني الراشيتة وطريقة العلاج
بس بصراحة بنات انا المشفى ماحبيتها ابدا ولا حبيت الخدمة فيها كل مااطلب السستر مشان تشيلي الابرة من ايدي ماترد علي الا بطلوع الروح حتى اكل المشفى مو طيب ابدا الله يعيني على يوم السبت طولت عليكم بنات اذا شفتو الكلام طويل وبايخ لاتقروه كله هههههههه

رهوفة حبيبتي انا الدكتور وائل قلي انو اذا بدك تعمل يالتحاليل براة المشفى جيبهم معك يوم العملية بس انا عملتهم بالمشفى وخلصت
رهوفة حبيبتي انا معي سعلة مو طبيعية والدكتور وائل كتبلي على دوا عادي فيك تاخدي دوا قبل الترجيع اهم شي بعد الترجيع ماتاخدي شي ابدا

الرايقية حبيبتي انا بعرف انو اذا كان الترجيع بعد بيوم احسن من انو بعد بيومين هيك مرة الدكتور وائل قلي

بنات شوفو من هلأ ورايح انا الكبيرة فيكن لازم تسمعو كلمتي بماانو انا بديت قبلكم
بقى ياحلوين مافي شرب قهوة وتجمعات من دوني ههههههههه
الله يسهل عليكم الحمدلله انا اليوم اتسهلت علي وان شاء الله فال خير يارب الي والكن

حبيبتي ميمو يارب تتلقح كل البويضات وتطلع من الدرجة الاولى والله يجبرخاطرك و خاطرنا ياااارب