السلام عليكم , كيفكم حبيباتي .... أبي خدمة صغيرة من بنات الشرقية لاعدمنا
رايحة للشرقية بإذن الله الأسبوع القادم لمدة أربع ليال مع الأهل ,, وحابة أعرف أفضل الأماكن اللي فيها مثلا:- أماكن التمشية والحدائق والمنتزهات
- المطاعم الحلوة بس هلا هلا بالسعر هههههه
- الأسواق الحلوة
- شقة مفروشة في الخبر حلوة وسعرها حلو
يعني مختصر عن كل شئ زين فيها يستاهل الواحد يروح له (السفرة قصيرة ما أبي أضيعها عالفاضي )
وألف شكر للجميع وهذه :26:لكل من ترد علي .
السلام عليكم , كيفكم حبيباتي .... أبي خدمة صغيرة من بنات الشرقية لاعدمنا
رايحة للشرقية بإذن...
انا من رواد الشرقيه بشكل مستمر
الأماكن كثيره
بس اذا تبين قهوه وجلسه حلوه مع الاهل عندك الواجهه البحريه رووعه
طبعا عباره عن مسطحات خضراوالعاب وكيذا
عندك الهاف مون لايفوتك طبعا روحي بدري جدا لان الكباين ترووووح
العزيزيه ماتعجبني بس زحماااااااات نهاية الاسبوع وهي بحر طبعا
شوفي اذا انتم شويين روحو فندق الهولدي ان اللي في الهاف مون وادخلوه قهوه فقط روحو العصر بدري
واطلبو كابتشينو او اللي تبووون ومسابح حلوه اذا معكم اطفال عندهم مسابح روووعه وحولها طاولات للقهوه بصراحه ما افوتها
روحي للجسر الملك فهد افطري او اتعشي ايا شي فيه مطاعم الوجبات السريعه وسينابون
عندك الخبر كلها تهبل كللها
الكورنيش كلها مقاهي ومطاعم هنديه وعاديه
الاسواق
تبين شي راقي الراشد
الظهران مول كبيييييير وتسوق والعاب ومطاعم وكل شي لايفوتك العابهم اذا معك اطفال
تبين شي قديم بس روووووووووووعه السويكت لايفوتك بس على الشارع المحلات بس يستاهل الزياره
سوق الحب في الدمام امممم كثير يحبونه بس انا لا هو شعبي برضو
مركز سايتك برضو لو معك اطفال لايفوتك بعمر 789 كلها اشياء علميه وفضاء وفيه اركان اطفال يعلمونهم كيف يطبخون ورسم بس على خفيف
وافلام وثائقيه على مستوى وممتعه
السكن
الخبر لاتتعدينها ونيسه بشكل
ياكثر الشقق
احنا نسكن المايز غرفتين نوم وصاله و3 حمامات والقراء بكرامه
ناخذها 230
بس انصحك ابعدي عن اللي حول الراشد موووستهلكه
حي العقربيه <<<يممممممه يخوف بس لايغرك فيه شقق نظيفه وسعرها حلو
الدمام ارخص بكثير من الخبر بس ماحب اسكنها
الدمام فيها مطعم القريه الشعبيه حلوووووووووووو برضولايفوتك
وش تحبين بعد علشان اكتب لك
او وش حسيتي ماكتبت عنه
اذا معكم جوازات البحرين عطيني خبر عندي برضو كل شي