كوبونات الراقية تسجيل الدخول

( همس )
( همس ) •
al.anedah4 al.anedah4 :
هذا التعليق محذوف
اهلين حبيبتي.. إن شاء الله تتيسر لك السفره وتستانسين فيها يارب..

البنات ماقصروو في الأماكن اللي كتبو عنها وانا راح أعطيك الأماكن اللي أروحها دائما

طبعاً بالنسبه للطلعات عندك كورنيش الدمام والخبر وإذا عندك أطفال تبينهم يستانسون في البحر ويتسبحون بعيد عن الزحمه عندك الهاف مون والعزيزيه والشبيلي وكمان عندك كورنيش الجبيل حلووو إذا عندكم وقت تطلعون له لأنه بعيد شوي وإذا تبين حديقه والعاب كهربائيه عندك منتزه الملك فهد ومنتزه الأمير محمد بن فهد..


بالنسبه للمطاعم

الطايه.. أكله حلو وأسعارهم معقوله
بيت التنور.. أكلهم حلو وأسعارهم كمان معقوله
المطعم الصيني.. حلو وأسعاره معقوله
كوبر شندني .. أنا ماأعجبني مع إن الكثير عاجبهم وأسعارهم أغلى شوي من المطاعم اللي ذكرتهم فوق
مطعم الدور التاسع في رمادا أكلهم روووعه لكن أسعارهم غاليه حبتين والأكل قليل خاصتا الأكلات البحريه
لاجونا ايسترن.. على كورنيش الخبر وجنبه كمان مطعمين السنبوك والثاني مو فاكره أسمه.. عموما هالمطعم المنظر روووعه وأكله حلو حلو حلو لكن عيبه أسعاره غاليه لكن إذا ماتبين تروحين المطعم نفسه فيه عندهم كوفي شوب برى المطعم يطل على البحر وبصراحه رااايق
مطعم دارين... مأكولات بحريه حلللو لكن أنا ماأحبه لأني ماأحب الأكلات البحريه
مطعم فندق شرفة الخليج.. أكلهم مو ذاك الزود لكن المنظر وووااااووو إذا تبين تقدرين تاخذين بوفيه مفتوح يكون أوفر
مطعم توني روماس على الواجهه البحريه بالخبر البمنظر روووعه والأكل المقبلات عنده رووعه لكن الأاشياء مو ذاك الزود وأسعارهم غاليه شوي..
مطعم تشيلز على الواجهه البحريه كورنيش الخبر حلو أكله لكن غالي
مطعم فرايديز على الواجهه البحريه أكلهم حلوو وأسعارهم مابين معقوله وغاليه

هذا اللي أتذكرها حاليا..

بالنسبه للأسواق
الخبر..
الراشد .. كله ماركات وغاليه لكن فيه محلات أسعارهم معقوله.. وفيه كوفي شوبات ومطاعم وملاهي للأطفال
الظهران مول.. هذا المول أعشقه أغلبه ماركات والأسعار على حسب إذا فيه تخفيضات او لأ.. وفيه مطاعم وكوفي شوبات وملاهي
فينيسيا مول.. اسعاره معقوله.. ملابس نسائيه واطفال وفساتين سهرات وأحذيه الله يعزكم وإكسسوارات وفيه مطاعم وملاهي
الخبر بلازا.. أسعاره معقوله وفيه ملاهي ونفس الشارع اللي فيه الخبر بلازا فيه محلات على امتداد الشارع اسعارهم معقوله جدا..
الخبر موول.. بصراحه من زمااان عنه لكن معروف بالأقمشه وغاليه شوي وفيه ملاهي
الجمعه سنتر.. معروف بفساتين السهره والأحذيه أعزكم الله..
أمواج .. مول صغير فيه بنده وتويز ار اص وسيتي ماكس ومحلات ثانيه.. المول حلو وصغيرون وماياخذ وقت

الدمام..
مارينا مول.. أسعاره معقوله.. ويشبه إلى حد كبير فينيسيا مول اللي بالخبر..
الشاطئ مول.. ملابس نسائيه وأطفال.. مطاعم وملاهي.. وفيه صالة تزلج نسائيه
الواحه .. وهذا من زمان عنه يمكن من 6 سنين لكن اللي أذكره كانت أسعارهم معقوله جدا
شارع الحب.. محلات على امتداد الشارع واسعارهم معقوله جدا جدا..

بصراحه هذولا اللي اتذكرهم حاليا...



وإذا السفره حقتك بتكون في إجازة العيد فراح تكون هنا فعاليات ومهرجانات في العيد..

العاب ناريه سواء في كورنيش الدمام او الخبر.. لكن لازم تعرفين أي يوم بتكون فيه بصراحه أنا مااروح أشوفها لأنها تكون زحمه مره..

وعندك مهرجان سايتك وأرامكو وفيه بعض المجمعات تكون فيها مهرجانات..

أذا تبين أي شئ ثاني إرسلي لي أنا بعد على الخاص لأني ما أرجع لمشاركاتي
يوزري لي وحدي
يوزري لي وحدي •
مااااالي سند مااااالي سند :
هذا التعليق محذوف
اجنحة ايواء قمر الشرق

مررررررررررره روعه وتسطل

سكنت فيها يومين اليوم ب 300 بس نظاااااااااافه غير عن الشقق القديمه المهتريه
بصراحه تواجه واذا اهلك بيقعدون 10 ايام بتكفيهم 3000 الى 3500 بالراااااااحه ان شاء الله

سوي بحث بقوقل وشوفي صورها وموقعها
على سنقة عشرة
على سنقة عشرة •
توي اليوم الفجر الساعه 2 رحت مع زوجي للخبر
نجحز شقه لصديقه
حجزنا في سفانا اللي تجي بعد الراشد وانتي طالعه من الراشد على يمينك
‏2غرفه مع حمام في الماستر روم وحمام خارجي
وصاله ومطبخ مجهز وتلفزيونات كبيره
الشقه جدا حلوووووووة ونظيييييفه ب 250ريال بس
هايمة بذاتي
هايمة بذاتي •
السلام عليكم حوائيات
أنا رايحه ان شاء الله بعد كم يوم للشرقية ولي فتره طويله يمكن خمس سنوات ما روحت
ابي اعرف الان وش افضل المطاعم و الكوفي الموجودة والمولات والمنتزهات
لان زوجي بصراحه ما يحب تضيق اخلاقه بسرعه من الدوااره :mad:
فياليت تخبرووني عن افضل شي فيها واكووون شاااكرة لكم
ام عزان
ام عزان •
هايمة بذاتي هايمة بذاتي :
السلام عليكم حوائيات أنا رايحه ان شاء الله بعد كم يوم للشرقية ولي فتره طويله يمكن خمس سنوات ما روحت ابي اعرف الان وش افضل المطاعم و الكوفي الموجودة والمولات والمنتزهات لان زوجي بصراحه ما يحب تضيق اخلاقه بسرعه من الدوااره :mad: فياليت تخبرووني عن افضل شي فيها واكووون شاااكرة لكم
السلام عليكم حوائيات أنا رايحه ان شاء الله بعد كم يوم للشرقية ولي فتره طويله يمكن خمس سنوات ما...
حياك الله في ربوع الشرقيه

«•°(الدلــيل السياحــي للمنطقهـ الشرقيــهـ !! ( الدمــامـ + الخــبر )°•«