الدلكه السودانيه

اهلين بالحلواتا:bkh:
الناعمات :232:

كل عام وانتم بخير

:26: :26:

جبت لكم اليوم طريقة الدلكه السودانيه غير المعطره الخاصة بالتنظيف اللي يستخدمونها الاخوات السودانيات قبل كل حمام تقريبا وهي السر في صفاء ونعومة بشرة السودانيات وهي غير عن الدلكه المعروفه الي يستخدموا فيها عطر الصندل اللي اغلبنا ما نحب ريحته ولب الخبز وغيره

المهم مكوناتها سهله جدا جدا جدا
اولا تجمعي قشور البرتقال وتشيلي اللب يعني بعد ما تعصروا البرتقال مو تلقون جوته حاجه معصوره المهم هذي تشيلوها يعني بس تخلوا القشره الخارجيه فقط اتمنى تكونوا فهمتوا ايش اقصد

المهم تاخذي لك كميه كبييييييييييييييييره منه وتخليه تحت الشمس يومين تقريبا لين يجف قشر البرتقال يصير هش سهل الكسر واحنا في فصل الشتاء والبرتقال يا كثره ممكن كل مره تجمعي شويه وتجففيهم لين تصير الكميه كثيره انا كذا اسوي

وتطحنيه ناعم جدا جدا جدا ولو توديه المطحنه يكون احسن بعدين تاخذي ترمس مطحون من عند العطار او تاخذيه حبوب وتطحنيه في المطحنه مع القشور القشورحتطلع بعد الطحن قلييييييييييييييييله فهمتوا ليش قلت كميه كبيره!!!!!!!!!

تاخذي كميات متساويه من قشر البرتقال والترمس المطحون
مثلا ملعقتين قشر برتقال +ملعقتين ترمس مطحون وتخلطيها بالماء تخلطيها بس وقت الاستخدام وتفرديها على جسمك والافضل بعد نزع الشعر وتدعكي جسمك فيها كوييييييييييييس ولو تخلي احد يدعك لك يكون افضل وبعد ما تنشف غمسي ايدك بزيت الزيتون وامسحي مسحه اخيره على جسمك مع الدعك طبعا حيطلع لك خيووووووووووووووط وسسسسسسسسسخ راح تنبهروا من الوسخ اللي حيطلع حيصير لون الخليط بني مسود بعد ما كان اصفر استخدموها مره اسبوعيا

انا هذي الطريقه اخذتها من السودانيه اللي صلحتلي دلكه ايام زواجي طبعا دوختها ليييييييييييييييين علمتني الطريقه

ولو تعرفوا وحده سودانيه خليها تعلمك بطريقة الدخان الصراحه انا ماعملتها بس يقولوا انها جناااااااااااااااااااااان مع الدلكه ترم العظم بعد الاربعين وتعطي الجسم لون موحد ولمعه والعطر اللي تتعطري به بعد اجلسة الدخان يجلس يفووووووووووووح منك لين الدخان القادم وهذا هو سر ريحة السودانيات المميزه على مر الزمان والمكان لان بعد الدخان المسام تكون مفتوحه ولما تتدهني بالدهن يتغلل العطر في البشره حتى ريحة عرقك تصير عطر والمكان اللي تروحي فيه بتظل ريحتك فيه فايحه

وبس انا شفت كثير بنات يسئلوا عن طريقة الدلكه وكنت من زماااااااااااااااان ناويه انزل الموضوع بس نسيت ولما شفت وحده من الاخوات تسئل عن الطريقه نزلتها في موضوع لوحده عشان حابه الكل يستفيد

واي سؤال حاضرييييييييييييييييييين تحت الخدمه :43: :43:




بس لا تنسوني من صالح دعائكم



وياويييييييييييييييييييييل اللي تدخل ولا ترد ياويلها يا سواد ليلها:30: :30: بوريكم الوجه الجديد :angry2: :angry2:

امزح بس كلمه ولو جبر خاطر