طبعاا هالموضوع حصلته في منتدى مصري عن أنوووع الدلكات
وحبيت أنقلها لكم إن شاء تفهمون عليهااا
الدلكه بأنواعها وصلـــــــت :) ياله نلمع ...
بسم الله الرحمن الرحيم
اخواتي الحبيبات .. لقيت كتير ناس تتسائل عن الدلكه و سر صنعها و كده و لإني عايشه في السودان و بدرس هنا قررت اكتبلكم اللي اعرفه عنها ..
يارب تفيدكم
هنا طريقة صنع الدلكه مش سر خالص .. بس السودانيات لما يطلعو بره بيعملو منها سر كبيييييييييييييير كما لاحظت .. و هي بيني و بينكم تستاهل تتعمل سر ..
هي انواع ..
في الدلكه بتاعت المتزوجات و في دلكة البنات ..
بتاعت المتزوجات بيبقى فيها ريحه قويه خااااااااالص (انا شخصيا مبحبهاش بس كل اللي شموها يقولولي رووووعه حتى غير السودانيات .. ممكن زوقي انا اللي بايظ حبه ههه ;-) )
دلكة غير المتزوجات دي بقى حللللللللللللللوه و مفيهاش ريحه او ريحتها برتقال و ممكن كل وحده بتعمل الدلكه تصنع للدلكه بتاعتها دي ريحه لوحدها على حسب ما هي بتحب ..
هكتبلكم وصفات الدلكتين دول و بعدين لقيت في النت كذا دلكه تاني برضو هكتبهالكم في دلكه فلبينيه و في وحده تانيه لبنانيه ..
بس اماااااااااااااانه كل وحده تعدي من هنا تدعييييييييييييييلي بالسعاده في دنيتي و اخرتي ان شاء الله و بحب زوجي ليا
ياله يا بنوتات ... خلونا نبدأ بقى
اول حاجه نيجي ل.. هي ايه اصلا و ايه فوائدها ..
الدلكه..هي من ادوات الزينه الاساسيه للست السودانيه و الست بتستعملها علشان ليها تأثير قوي على البشره من حيث ترطيبها علشان الدهن و العطر اللي في الدلكه بيتغلغل لداخل مسام البشره فبتبقى ناعمه و بتلمع.. و كان لها تأثير صحي علشان التدليك بينشط الدوره الدمويه و كمان بتشد عضلات الجسم فبيبقى متماسك و بيمشي كل الترهلات اللي بتبقى في الجسم و اللي بتبقى ناتجه من السن و الحمل و غيره ...
ياله نيجي بقى لطريقة عملها .. و اكيد هنبدأ بالدلكه السودانيه بتاعت المتزوجات و على فكره حتى دي ليها اكتر من طريقه..
بس هنقللكم اول حاجه طريقة الدلكه دي من وحده سودانيه .. هي هتتفهم بصعوبه شويه علشان الموضوع معقد و لو الواحد مش عايش هنا ممكن ميفهمش بعض المصطلحات .. بس عادي اي وحده عندها حاجه مش فهماها تقللي و هشرحهالها...
الطريقه بقى هي كده ....
طريقة عمل الدلكة
لعمل الدلكة يستخدم حوالي ثلاثة كيلو من دقيق الذرة النقي ويعحن الدقيق بالماء المنقوع بالقرنفل (ينقع القرنفل في الماء لمدة ليلة كاملة) ثم يلطخ على قدح من الخشب ( صحن كبير ) في باطنه حتى يلتصق تماما ثم نكفي القدح على حفرة الدخان ويدخن بالشاف ونغطي الصحن والحفرة جيدا لتتغلغل رائحة الشاف فيه جيدا ويترك حتى يحمر لون العجين . ثم نرفعه من نار الدخان ويعجن مرة اخري ويبلل بمزيد من نقيع القرنفل ويوضع مرة اخرى على الدخان وهكذا نكرر هذه العملية لمدة أقلها ثلاثة ايام حتى ينضج و يكون لون العجين أقرب للسواد . دليل النضج هو تساقط العجين من القدح..
ترفع العجينة المتكونة من الدخان وتخلط بالمسك المسحون والضفرة المسحونة والأرياح السائلة(وهي: فلور دامور والصاروخ وقلامور وقليل من الخمرة) وتعجن جيدا لضمان اختلاط العطور بالعجين وتعبأ في إناء محكم الاغلاق .
يستحسن تقطيعها قطعا أو تشكيلها في كريات صغيرة لسهولة استخدامها.
عند الاستخدام نأخذ كتلة صغيرة وتبلل بالماء حتى تصير في شكل شبة سائل ويدلك بها الجسم ويستخدم الدهن أو الزيت المعطر ليسهل خروجها ويكسب الجسم لمعانا.
دي زي ما قلتلكو هي الطريقه الاصليه بتاعت عمل الدلكه و جبتهالكو من وحده سودانيه شاطره ..
في طريقه تانيه برضو بتاعت متزوجات اسمها دلكة المحلب و برضو جبتهالكو من الست السودانيه دي .. و اهي الطريقه ..
دلكــــــة المحلب ( هو غالى اوى بمصر بصراحة يعمل الكيلو 120 جنية ))
يسحن المحلب ناعما ويغربل ثم يعجن بعصير الليمون المخفف بالماء وتدخن بنفس الطريقة المستخدمة في دلكة الذرة وتعجن في كل مرة بمزيج الماء والليمون حتى تنضج وتتساقط من القدح.
تعجن بالعطور : صندلية ، فلور دامور ومسك مسحون وقلامور وتعباء في إناء محكم الإغلاق وتترك لتتشرب العطور.
تستخدم بنفس الطريقة السابقة.
زي ما قلتلكو برضو الدلكه دي ريحتها قوووووووووووووووويه جدا جدا جدا جدا..
و عشان هي صنعها معقد جدا .. جبتلكو كمان طريقه تانيه للدلكه السودانيه .. صنعها اسهل و يقدر اي حد يعملها ..
و اهي الطريقه :
تسلقي بطاطسايه و جزرايه و تهرسيهم كويس و تحطي عليهم 5كوبايات من الارز المطحون او دقيق الذره على حسب اللي عندك و 5 كوبايات من العدس المطحون و تحطي عليهم 5 ملاعق كبيره من الحلبه المطحونه.. تقومي ملخبطاهم كويس و ضايفه عليهم نص كبايه ماء و نص كبايه ماء ورد و ملعقتين دقيق ابيض و ملعقتين زيت زيتون و ملعقتين زيت لوز حلو و ملعقتين زيت لوز مر ( ممكن متضيفيش الزيوت ) و تعصري عليهم ليمونه كبيييره و تقومي محركه المزيج ده لحد لما يكون عندك خليط متجانس وسط بين الليونه و الصلابه .. و لو حسيتي ان الخلطه صلبه قوي ولا لينه قوي .. ممكن تضيفي على حسب الاحتياج من المقادير اللي فاتت .. لحد يعني لما تبقى عندك الخليط المتجانس ده .. و خلي بالك لما تخلصي الخلطه تحطيها في اناء محكم و تحطيها في التلاجه ..
بتستعمليها ازاي بقى ... بتدلكي بيها جسمك ( ممكن يوميا ) و تفضلي تدلكي لحد لما تبدأ تتساقط و تحسيها شالت وسخ كتييييييير من الجسم اساس مكنش ظاهر و الجسم بيبقى نضيف و بيلمع و ناااااااااعم ..بعد كده استحمي من غيــــــــــــــــر صابون و لما تطلعي امسحي جسمك بكريم مرطب على حسب اللي بتحسيه حلو مع بشرتك و انتهينا و مبروك يا عروسه بقيتي نضيفه و حلوه و نعومه و اللي تحب بعد كده ممكن كمان تبخر جسمها .. بس معتقدش ان المصريات يحبو كده .. هو في الغالب السودانيات و دول الخليج اللي بيعملو كده ..
نيجي بقى لدلكة البنات .. هي حلووووووه قوي علشان ريحتها ناعمه و حلوه ممكن تغيري ريحتها زي ما انتي عاوزه و ممكن تخليها اصليه زي ما هي بريحة البرتقال و خلاص .. فوائدها زي فوائد دلكه المتزوجات بس فرقها عنها انها مفيهاش ريحه قويه كده..بس احلى حاجه انها بتنضف الجسم و بتشيل الجلد الميت و بيبقى منور كده ..
ياله نيجي للطريقه ..
سهله و لزيزه
قشري برتقال و كليه علشان فوايده حلوه ههه المهم احنا يهمنا هنا ف يالدلكه القشره مش البرتقاله ..
تاخدي قشر البرتقال و تجففيه و تطحنيه ..
خدي من القشر المطحون ده 3 معالق كبييييره و اعجنيها شويه شويه بماء ورد لحد لما يبقى عندك خليط متجانس لا هو صلب ولا هو سائل .. و حطيه على جسمك 15 دقيقه و بعدين خدي شوية زيت لوزحلو و شوية زيت لوز مر و ممكن تضيفي عليهم زيت زيتون و نقطه صغيييييييره من زيت الياسمين (ريحته قويه و من فوايده انه بيبيض البشره و على حسب لو تحبي تغيري ريحه البرتقال ممكن تضيفي زيت الياسمين او تسيبيه زي ما هو بريحة البرتقال و خلاص كله حلو يعني.. )
اخلطي الزيوت دي فترة ما انتي حاطه المزيج بتاع القشر و ماء الورد على جسمك و بشرتك و بعد لما تعدي 15 دقيقه خدي شويه من الزيوت المخلوطه دي في ايدك و ادعكي بيها فوق المزيج و ادلكي لحد لما تنزل الخلطه شويه شويه من بشرتك و تبقي زي الفل
ممكن تضيفي زيوت عطريه على حسب زوقك او عود ولا كده و ممكن تسيبيها كده وخلاص.. بس هي علشان بتدخل في المسام قوي و الريحه بتفضل فتره في ناس كتير بتضيف زيوت عطريه ..
بنوتاااااااااااات احنا كده خلصنا
ياله اللي بعده ...
الدلكه الفلبينيه .. دي بقى معنديش فكره عنها .. بس هنقلهالكم زي ما هي مكتوبه و خلاص .. بيقولو حلوه قوي و مفيهاش ريحه ..
و اي الطريقه:
خذي الطريقه :
1كوب ملح خشن (واطحنيه)الناعم مايصلح
1عصير ليمونه (نصف كاس)
1م ك نعناع مجفف ومطحون(ممكن تختارين نوع العشبه اللي تحبين ريحتها او المتوفره عندك)
2 م ك موية ورد
1فنجان زيت زيتون
اخلطيهم سوا وادلكي الجسم وهو مبلول وفركي لمدة ربع ساعه وانتي تدلكين
واتركيه على جسمك لمدة 10دقايق زياده وبعدين اشطفي بماء دافي
وشاور جل وبعدين رطبي باي لوشن تحبين
وهذي مفيده جدا للجسم تشد وتنعم وتفتح البشره وتشيل البقع والكلف والسواد وتخلي ريحة الجسم حلوه واذا عرقتي ما يطلع ريحة عرق...
يارب تعجبكم
ياله اللي بعده ..
الدلكه اللبنانيه .. برضو معرفش عناه حاجه تقريبا بس هكتبهالكم زي ما قريتها..
و إليكم الطريقه يا فتوكات ..
خدي كبايه ترمس جاف مطحون و حطي عليهم 3 معالق كبيره زبادي و ضيفي شويه مايه لحد لما يبقى خليط متجانس لا صلب ولا سائل ..
حطي الخلطه على الجسم .. و سيبيها دقيقتين كده و بعدين دلكي الخلطه على الجسم كمان 5 دقايق ..
بعدين خدي زيت زيتون او زيت جونسون للأطفال و حطيه في ايدك و واصلي التدليك بالزيت على الخليط و واصلي التدليك لحد لما تنزل الخلطه شويه شويه من الجسم و تنشف و توقع و تطلع معاها قشور الجسم و الجلد الميت و الاوساخ ...
و دي بقى يفضل عملها بعد ازالة الشعر من الجسم علشان بتأخر نمو الشعر ..
انتهينا و ايدي بجد تعبت من الكتابه هروح انااااااااااام بقى ههههه .. اخ ياريتني اقدر انا رايحه الشغل بعد عشر دقايق .. ربنا يستر ..
ادعولي ..
ها قولولي بقى ايه رأيكم في موضوعي ؟
و مين ناويه تعمل وحده فيهم و تدعيلي؟؟
و زي ما قلتلكم اللي في حاجه مش فهماها تقللي و هترجم ههههه اصل اللهجه السودانيه ولا المصطلحات السودانيه احيانا بتبقى غريبه شويه بس انا بدرس هنا من 4 سنوات و هعرف اترجم ان شاء الله ..
و متنسوش التقيييييييييييييييييييييييييم ..
و مستنيه تجاربكم
اختكم ..
ساره
مجنونه f @mgnonh_f
عضوة فعالة
يلزم عليك تسجيل الدخول أولًا لكتابة تعليق.
ام القائد
•
فراحان كثير لاني اول وحده ارد عليك موضوعك جدا روعه ومفيد وجاء بوقته
الصفحة الأخيرة