الدليل الشامل للانتقال من بيت الى بيت

ما عمري نقلت من شقتي و ان شاء الله ما انقل الى للملك ان شاء الله ولو شكلنا مطولين
بس الله كريم

تعليقي ماله داعي بس ما حبيت ادخل الموضع و ما اعلق :) سامحيني

تسلمي يا الحنونة.. فعلاً انك حنونة :)
ان شاء الله تتوفقي ببيت ملك.. و أنا كمان :)

اختي انا الان في مرحله النقل الاخيره
استغرقت تقريبا شهر
بعد ماخلص البيت نظفته ومسحته تنظيف شامل
بعدين اثثته حطيت الاثاث الجديد مكانه
بعدين نقلت الاثاث القديم الي نريده مثل الدواليب والاسره
ثم بديت ارتب المطبخ
اما مسأله التوظيب طبعا في كراتين محكمه او شنط ويكتب كل شي عليها
وانشاء الله ننتقل على خير
واذا فيه شي ناسيته راح اكتبه بعدين

السلام عليكم

هلا اختى موفقه يارب في البيت الجديد

بالنسبة لي انا لما نقلت اول شي طبعا بديت اتخلص من الاشياء يلي مانبغاها والاشياء يلي اخف عليها انا غلفتها في كراتين يمكن جلست شهر ارتب

والباقي عليهم

وبعدين جبنا شركة نظفت البيت من الى

وحطت لنا المبيدات من قبل ماننقل

وكنا حاجزين الاثاث الجديد و بعدين حطيناها في البيت الجديد

ويوم النقل رحت لدوامي وزوجي الله يعطيه العافيه معاهم من 7 الصبح لحد الساعه 12 بالليل

جابو كل البيت في ردين ( مرتين يعنى) وركبوا الاشياء الكبيرة بس مثل الدواليب السرر المكاتب

ونمنا في نفس اليوم في البيت


بالتوفيق يارب

الللللللله متى نوصل لهالمرحله .. ههههههههههه بعدنا ما بنينا البيت ومستعيله حدددددددي .. هههههه

الله يسلمج انا اشوف ان الترتيب اهم شئ يعني اللي ما تبغينه ارميه احسن من البداية .. وافضل ان كل شئ قديم ترمينه عشان لا تغثين روحك فيه لانك في الاخير اكيد بتأخذين كل شئ جديد .. وطبعا اقصد ترمينه يعني تتبرعين فيه لاي احد يحتاجه ..

والله يعودنا وياكم على هالمرحلة ان شاء الله