عشبة اسمها الارقطيون

ممكن إختي تكتبين لنا بشكل أويسع عن هذي العشبة جزاك الله خيير


ونصيحتي للأخت إنه صح لازم تحلل للسكر لأنه هو سبب الدمامل

وضروري تعالج منه ولا تهمل حالتها أكثر من جذي ..

وبعدين تقدر تشرب الزعتر مطهر حلو للدم
وكذلك النعناع مع الليمون الحار على الريج لتطهير الجسم من السموم ..

وتأكل ثوم نئ على الريج بكميه فص إلا فصين ممتازين لتنقية الجسم من الميكروبات وتصفية الدم

وإنشاء ما تشوف شر

:26:

السلام عليكم

عشبة الارقطيون غالبا تستعمل الجذور فقط ومن فوائدها:

تنقية الدم - تنقية الكبد من السموم - ينشط جهاز المناعة - يفيد في علاج الدمامل وحب الشباب والخراريج

ويخفف اعراض مرض النقرس- يعالج الاكزيما الجلدية والصدفية 0 هذا للاستخدام الداخلي ومغلي الجذور

يفيد لتساقط الشعر وتصفية البشرة من حب الشباب وتنظيفها من الدهون0

يمكن استغربتي من اسمها بس اهي عشبة ممتازه لتطهير الجسم وتنقيته وانا كتبت عنها بموضوع الاخت

شاكره محلات الهيلث ستور بقسم ملتقى الاحبة المغتربين 0

واي استفسار حاضرة0

الأخت رهيده : أسأل الله العظيم رب العرش العظيم أن يشفيني ويشفي أختك ويشفي مرضانا ومرضى المسلمين .



الأخت قشنكي جزاك الله خيرا على هذه المعلومات .. ولكن لي سؤال : هل معرفتك بهذه العشبة عن طريق تجربة أو سمعت بها فقط .. لأن عندنا حالة مشابهة وحصلت على هذ العشبة وأردت التأكد قبل استخداممها لأن البائع قال تستخدم كبسولة ثلاث مرات في اليوم وأنت ذكرت أنها واحدة .. ووجدت على العلبة مكتوب كبسولتين أو ثلاث مرتين أو ثلاث مرات في اليوم ولا أعرف الآن كيف أستخدمها ... فإذا عندك خبرة أختي أرجو أن تخبريني وجزاك الله كل خير ...

للرفع بارك الله بكم

السلام عليكم
هلا بالاخت ام يحيى : بالنسبة لاستفسارك اذا فيه احد اعرفه مجربها ؟ انا سبق وكتبت عن هالشي

وراح اعيده علشانك 00 بنتي اسم الله عليك كانت الدمامل تطلع لها باستمرار ومنكده عليها حياتها

وانا قلبي يتقطع عليها وانا اشوفها تتالم والطبيب يعطيها مضاد حيوي وضماد يحتوي على الاكيتول

( المرهم الاسود) وتطيب وبعد فترة ترجع وقعدت احوس وادور بالكتب اللي عندي ولقيت الارقطيون

واشتريته لها والنية اخليها تاخذه كورس كامل عشان ماترجع لها الدمامل ابد بس اهي تقريبا ماكملت

الشهر وخلته والحمد لله من يومها واهي مرتاحه وانا قلت كبسوله وحده لان التركيز 500 ملغم وحبه

تكفي وانتي شوفي تركيز اللي عندك واحكمي بس للامانه اهي عشبة ممتازه لانها تعالج المريض من

الداخل 0
واسال الله العظيم ان يشفي جميع مرضانا اللهم آمين0