الدنياء تغيرت ولا نحنا الي تغيرنا

اسفه بكمل الموضوع في التعليق كلنا في غربه ثنتين من الشقق من نفس بلدي وشقه فلسطينه وشقه سوريه بنات تصدقين كلن في حاله وعايش لنفسه حولت اول ماسكنت اني اجمعهن عندي بس اجين مرتين وبعدين كلن في حاله حتى رمضان يابنات ولاسلام والعيد نفس الشي حوالت معهن نتجمع بس مافي فايده ليش الناس تغيرت كان الجيران جزا من الاهل ولان ماتعرفي اش اخبارها حتى سلام ماتسلم ليش نسينا قول النبي صلى الله عليه وسلم مازال جبريل يوصيني بالجار حتى ظننت انه سيورثه الله يعين ويهون علينا غربتنا ماقول الا الله يالف بين القلوب راح زمن الطيبين بنات كيف علاقتكن بالجيران أنتظر ردودكن ودمتن بود

الله يعين على هالدنيا وفعلا، هذا، اللي، حاصل ومادري وين المشكله واللي، سببت هالجفوه، بين الناس والله اتذكر، اول ننام حتى عند جيران، بيت جدتي وناكل ونشرب، معاهموالحين نمر، من، عندهم،لاسلام ولا، كلام
بيت، عمي نوصلهم، ونروح، لهم بالمناسبات،والاعياد وكنا،نسهر ونام عمدهم الحين مايجون بيتنا الا بعزيمه وبنتهم، زوجة اخوي تجلس بالشهور ماتزور بيت اهلي مع ان امي تفرح بجيتها هي واولادها
شي صعب والحمدلله لي جاره جزاها الله خير هي الوحيده بالعماره اللي، مازلنا، نتزاور ونرسل لبعض من اكلنا ويجتمعون اولادنا يلعبون مع بعض مع ان العماره فيها 4شقق،من غير شقتنا

امم انا عندي جاره وحده اتواصل معاها
وانا وياها حاولنا نتواصل مع الباقيين بس شكلهم مايبون يتعرفون فبقينا انا وهي بس
الله يعين في ناس ماتحب تكون علاقات مع الجيران
حتى اهلي لهم ثلاث سنوات داخلين ع الرابعه وحيهم هادي ولا واحد يعرف الثاني حاولت امي تزورهم بس يتحججون مادري عنهم يمكن عندهم ظروف او مايبغون يتعرفون الله اعلم

الله لا يشغلنا الا بطاعته فعلا الجيران تغيرو

الناس اتغيرو بسبب كثرة المظاهر

يعني وحده راحت لوحده ثانيه وشافت اثاث بيتها جميل وتقديماتها من اروع مايكون والاواني فخمه وانيقه بتستحي تعزمها في بيتها لانها اقل منها

خصوصا زمان كان يكفي صنف واحد حلى مع القهوه وطول الوقت سوالف ووناسه الحين لازم قهوه اكثر من نوع قهوه عربي بالهيل وقهوه بالزنجبيل وقهوه تركي وكابتشينو وغير اصناف الحلى مما لذ وطاب وغير الشاي والموالح واطباق اطباق اطباق من العشاء

كل هذه الامور سببت تكلفه على الناس وتعب اوارهاق في التجهيزات وميزانيه كبيره عشان تجهزين كل هذا والشعور بانهم اقل من غيرهم




هذه هي الامور الي خلت الناس تقطع الزيارات خصوصا انه صار زمن المقارنات

وبعض من الجنسيات العربيه لو عرفو انك خليجيه او سعوديه بالتحديد بيغارو وبيحقدو عليكي ول ايبغو يختلطو فيكي نهائي




انا كنت ساكنه في مدينه بعيده عن اهلي و اهل زوجي وكانت جارتي من جنسيه عربيه جايه من بلدها للمدينه الي انا فيها زوجي عزم زوجها مرتين واعتذرو عزمهم مره ثالثه وقال هذه اخر مره اعزمهم وفعلا طلعت هي وزوجها وقلتلها اي وقت تكوني طفشانه ومتملله تعالي اطلعي عندي بنفسها قالتلي زوجي يمنعني يقول اي سعوديين ماتختلطين فيهم نهائي استغربت منها قلتلها ليش قامت ترقع وتغير الموضوع الله يهديها بعدها الى الان خمسه سنوات ماعرف اذا هي عايشه ولا ميته ماشوفها نهائي