الدنيا حق الله .. هل امشي على هالمبدأ !!!

مرحبا حبيباتي
عندي مشكلة متعبتني ومو عارفة ايش اسوي
انا مدرسة في مدرسة اهليه وحاليا ماعندي راتب طوول الاجازة وياااعالم حندرس السنة الجديدة او لا
يعني باختصار ماعندي مصدر دخل خلال هالشهور واعتمادنا بعد الله على راتب زوجي اللي للاسف مايكفي
انا معاي مبلغ بسيييط بالبنك وللاسف كل اجازه اسحب منه عشان مصاريفنا اللي كل مالها تزيد خصوصا انه صار معي مولوده عمرها ٢٠ يوم
المهم نفسيتي زي الزفت كل مااقول جمعت قيمة سيارة سنويا اصرف منها وبالغصب اعوض اللي انصرف
غير ان زوجي للاسف مايعرف يدبر اموره ومعتمد انه لو فلسنا راح اسحب له من البنك
المهم انا لي اسبوع منفسنه على زوجي وحلفت معد امسك من فلوسي وقلت له دبر نفسك انت رجاال البيت ولازم تتحمل المسؤولية وحلفت ايمان مغلظه اني ماارح اعطيه فلوس
طبعا انا عارفة البير وغطاه وحاليا مابقي من راتبه الا كم ورقه 😭

وانا حارمه نفسي من اشياااء كثييييير طبعا توني نفاس ووالله حتى شغل البيت قمت فيه من ثاني يوم ولاده ولا احد جاء عندي ولا قدرت اجيب شغالة تساعدني طبعا تكاليف ولادتي كلها انا تكفلت فيها اغراض كثيرة ناقصتني ولا قدرت اجيبها لانه الفلوس بالغصب تكفي مصروف البيت وفواتير
الحين مو عارفه كيف اتصرف .. هل بجلس كذا على طول .. زوجي موو حاس بالمسؤولية متعود اني دايما اغطي له .. ومتعود اني دايما امسك ميزانية البيت مااشوفه يحاول يغير من وضعنا الفتره هذي ماسكني اكتئاب وعصبت منه وخاصمته وحلفت انه مالي دخل بميزانية البيت وقلت له دبر نفسك لكن للاسف يشتري اشياء ماااالها داعي ولا حاط في باله انه بالكثير اسبوع ويكمل راتبه ولما كلمته ليش كذا @@ ليش ماتحاول تقسم الراتب للضروريات ليش بتصرف بدون حساب على مين انت معتمد !! يقوم يعصب ويسب فيني ويقول الناس بتموت والدنيا حق الله وانت ماتهنيتي
انا في كل الحالات الخسرانه وزهقت منه
احيان افكر اذا تصرفي صح او غلط ... افكر ان لمتى بجلس حارمة نفسي وللاسف ماقدرت اجمع قيمة السيارة ..يعني لا متعت نفسي ولا شريت سيارة والفلوس بتطير
انصحوني يابنات كيف اتصرف ... هل اسحب وامتع نفسي وطز بالسيارة اللي الله اعلم بقدر اشتريها او لا او كيف اسوي وايش الحل مع زوجي