اعوذ بالله من الشماته

للاسف احيانا الواحد يتشمت بدون مايحس
او يعيب على احد بدون مايقصدها شماته

مثل انسانة اعرفها تهتم كثير بالاخلاق وخاصة اخلاق الخطيب او الخطيبة
وتستعجب من اللي يزوجون بناتهم لرجال مدمنين وكيف ماسألوا و و و
ومن اللي زوجاتهم يخونونهم وهم مايحسون والحريم اللي لهم علاقات
واذا تكلموا ان فلان (ألمعروف عنه انه مدمن) مسافر انتداب تقول ايه اكيد انتداب للخمر والخرابيط
واذا فلانه (المعروف عنها انها راعية علاقات) بتتوظف تقول وظيفة ****

وتستغرب كيف هالرجال متمسكين بحريمهم اللي لهم علاقات والرجال نفسه يقوطر اخلاق
وكيف هالحريم ماتطلقوا من رجالهم المدمنين وهالحريم يكونون اخلاق وادب وكل شي

وسبحان الله بعد كم سنة ، مو سنين كثيرة لاااا .. سنين بسيطة
صارت هي مثل هالحريم اللي تتكلم عنهم ، وتزوجت واحد عن هالطريق ، وهالواحد مدمن ومتمسكه فيه

من بعد هالسالفه وانا صايره اخااااااف من حتى الانتقاد
اذا بانتقد وحده زوجها مدمن او فيه شي مو كويس انتقدها بوجهها او اتكلم بشكل عام
ما اتكلم فيها من وراها ، فعلا الواحد مايدري وش متخبي له

ووحده ثانية اعرفها متزوجة نسميها (مي) وحياتها مع زوجها حلوه ، وتحب اهله كثير ويحبونها
وواحد من اقاربها خطب اخت زوجها نسميها (مها)
ولما تزوجت مها بدت الحرب بينهم
وصاروا يغارون من بعض
مها تغار من مي لأن حياتها مستقرة
و مي تغار من مها ، لأنها متزوجة واحد افضل من زوجها هي

صارت مي تتشمت بمها ان زوجها مايبيها واكيد بتتطلق ومن هالكلام
و مها تتشمت بنصيب اخت مي ، لأن اخت مي تطلقت وتزوجت واحد كبير وغني ، فصارت مها تقول انه يبغاها شغالة عنده
وسبحان الله الثنتين تمرمطوا مرمطة مايعلم فيها الا الله
وصار لهم اللي تشمتوا فيه
مي صارت لها مشكلة بسيطة جدااا مع زوجها وكبرت كثيرررر وكرهها وعلقها وبالاخير طلقها
ومها خلاها مثل الشغالة عند اهله الى ماتضبطت اوضاعهم وطلقها
ثنتينهم ذاقوا من نفس الكاس بنفس الوقت ، ونفس الكلام اللي قالوه
يمكن مايفرق بينهم الا فترة بسيطة شهور او اقل حتى

فعلا الله يمهل ولا يهمل
اذكر نفسي واذكر الجميع اننا نستغفر وننتبه لذنوبنا
واذا وحده فينا غلطت وتشمتت باحد تتسامح منه ، او على الاقل تتوب لله وتستغفر عن نفسها وعن اللي تشمتت فيها وتدعي لها وتتصدق عنها لعل الله يعفو عنها

اول شي الحمد لله على السلامه

والله ياختي حنا نتكلم عن الشماته مادري من وين جبتي التحفيز

شكرا لتفاعلك

الشماته موب زينه 
بنت اعرفها تقول وحده ضحكت منها لانها ولدت مرتين ع بعض 
و سبحان الله سنتين الا و جايبه اثنين على بعض 

صدقتي والله الدنيا دواره
سبحان الله وبحمده سبحان الله العظيم

شكرا