الدنيا صارت تخوف والا يتهيأ لي !!

السلام عليكم
بنات ماتلاحظون كثرت الحوادث والامراض . ماتلاحظون ماعاد فيه فرح ولا راحه . ماتلاحظون الحزن انتشر والهموم وكلن يقول محد يدري عن القلب وش فيه .ماتلاحظون المجاهره بالمعاصي .ماتلاحظون كثر القتل ياويلي وقتل الاقاراب والوالدين . ماتلاحظون مصايب كل يوم بالاخبار والدول وحده ورا الثانيه تطيح ماتلاحظون الوقت يطير السنه صارت كنها يوم واليوم دقيقه يروح ونقول كيف راح الاسبوع ماحسينا . ماتلاحظون الامراض النفسيه كثرت . ماتلاحظون صارو التجار يتفاخرون بفلوسهم قدام العالم بسناباتهم ولاخوف ولا رحمه بمن يتابع ماتلاحظون والا بس انا موسوسه
ودي اعرف قبل ثلاثين اربعين سنه كانت هالاشياء فيه والا يوم طحنا بمواقع التواصل شفنا بلاوي الدنيا اللي كنا ماندري عنها
ودي ونفسي كنت عايشه بزمان بيوت الطين اللي كل همنا قصص امي واخبار حارتنا والناس اللي ما غطت قلوبهم القسوه والكذب
الحين عرفت معنى دعاء ربنا لاتجعل الدنيا اكبر همنا
لانها زائله وكلشي رايح رايح لا ولد ولافلس ولا ام ولا اب .
فعلا ربنا لاتجعل الدنيا اكبر همنا .لان ماراح يبقى لنا الا اعمالنا