السلام عليكم ازيكم يابنات وياسيدات شكرا ليكي مدام وائل :27:على كشف طلبات المنزل وبالنسبه للاخت عطر الشموع للميزانيه الشهريه راي انها بتختلف من بيت لبيت على حسب الراتب الشهري لكل اسره لو معاكي قليل هاتمشي عليه ولو معاكي كتير هاتمشي عليه برده وعلى حسب الاماكن اللي بتشتري منها يعني لو من سوبر ماركت كبير زي اللي معروفه عندنا في مصر زي كارفور مثلا وفاسكندريه فيه فرع فيه الغالي والرخيص وبتدخليه بتوهي فيه بتحسي انك عايزه تجيبي كل شئ فيه بس انا باكون عامله ورقه بالطلبات اللي عايزاها وطبعا اللحوم فيه غاليه جدا اللي الهمبورجر والسجق والممبار المحشي :7_2_103v:رائع ورخيص بس مش فهمه ليه الاشياء دي رخيصه فيه بالرغم انه مكتوب عليها اللحمه بلدي ساعات بشك في اللحمه بتاعته لكن اللحوم التانيه غاليه طبعا فابقينا نشتري من بتوع الجمله ومن الجزارين المعروفين في المنطقه بتاعتنا والاسماك في فالاسكندريه اماكن طبعا فيها الاسماك مش غاليه وشكرا:27:

egypty ميرسي على الرد يا قمر و شكلك كده من اسكندريه....
انا عاده بجيب حاجتي من فتح الله و كارفور و الحاجات اللي مش بلاقيها بجيبها من مترو و الصراحه مجربتش محشي كارفور هبقى ابص عليه المره الجايه.....
انا بجيب الفراخ من شركه مصر القدس لانها نظيفههههههههههههههه جداااااااااااااااااااااا و بتستوي في سواني و عندهم كل انواع الطيور بس يمكن اسعارهم اغلى من السوق شويه بس حاجه مضمونه....
و اللحوم الحمراء انا و جوزي مش بنحبها بس بنجيب لحوم مفرومه و غالبا من كارفور .....
اما الاسماك فبجيبها من عند سماك رائع في ميامي و اسعاره مقبوله ........

بس مشكلتي تكمن في انني لا استطيع السيطره على نفسي في الشراء و في كثير من الاحيان بجيب حاجات ملهاش لازمه

لا واللهي ياعطر الشموع انا من القاهره بس بحب الاسكندريه جدا وبنيجي في الاجازات اهلا بيكي

الحبيبه عطر الشموع .. اكيد كلنا بعد الجواز بتتغير احتياجاتنا وبنحاول ناقلم نفسنا على مستوى معيشى اقل وخصوصا كلنا شباب وفى اول السلم زى ما بيقولو .. واهالينا كمان اول ما ابتدو حياتهم كانو كده وتعبو عشان يوفرولنا الحياه الكريمة اللي بنحاول نوفرها لاولادنا والصغير مسيره يكبر بس الحقيقه زماننا صعب والعيشه نااااار الله يعين .. المهم حبيبتى تحاولي تسيبك من الطباخه دى بتشتغلك جاااااااامد ولازم تحاولى تتعلمى كل الاكلات وعندى طريقه للمحشى سهله جدا تغسلى الارز وتقطعى عليه الطماطم والبصل والبقدونس والشبت وكله قطع ضغيره جدا وتضيفى الملح والفلفل والكمون وشويه نعناع ناشف وتقدحى شويه سمن عالنار وتضيفبها للرز وتقلبي تمام وممكن تستعينى بلفافه ورق العنب والكرنب رخيصه جدا ولما تيجى تسويه تخلي الشوربه يادوب تحت اخر رصه مش تغطيه ويا دوب يغلى وتهدى النار جدا وبالف هنااااااااا .

اختي عطر الشموع
السلام عليكم ورحمة الله معلش اول الزواج صعب بس بعد شويه بتتعلمي وبتعرفي زي ما الكل بيقول
بالنسبة للملوخية لو اكياس جاهزة تضعيها في شوربة بارده وتذوبيها علي البارد عشان مايبقش فيها قطع (مكاكعه) ملهاش معني تاني ةبعد كده تحطيها علي النار واول ماتغلي تنزليها وتكوني مجهزه الثوم مفروم وتضعي ملعقة سمن والثوم وترشي عليه كسبرة مطحونه وفلفل اسود قليل وتضعيها علي الملوخية بس ماتنسيش تشهقي وتقولي ( عسل النبي فيكي ميت رغيف ماتكفيك) وبالهنا والشفا
ولو الملوخية الطازه تقطف وتغسل وتخليها تنشف من الميه وبعدين تضربيها بمفرمه الملوخيه وتكملي الطريقة اللي فاتت
وعلي فكره انتي من فين في القاهرة عشان فيه (سيبنس واولاد رجب و المحمل )في مدينه نصر بينزل عروض حلوه علي متطلبات البيت مثل كارفور
جربي الملوخيه ولو عايزه طريقه اخري للمحشي انا تحت امرك وربنا يكرمك ويكرمنا