لوزه اهلا بيكي افكارك جميله بس انا مش معاكي في اللحم البرازيلي ممكن تستبدليه باللحم الكندوز للمفروم او اللحم الجملي
لوزه اهلا بيكي افكارك جميله بس انا مش معاكي في اللحم البرازيلي ممكن تستبدليه باللحم الكندوز...
موضوع رائع فعلا و قرائته كله ما شاء الله عليكم و فعلا كلنا نعاني من الغلاء و انا حديثة الزواج منذ 8 شهور فقط و طبعا انا اللي ماسكه مصروف البيت و شعرت بارتفاع الاسعار بطريقة رهيبة جدا و احب ان اضيف طريقتي لحل مشكلة هذا الغلاء الفاحش البدائل 1- اولا تم استبدال لبن نيدو ب لبن اسمه ميرو او رينبو ( ابو قوس ) طبعا في فرق كبير في السعر 2- بالنسبة للمنظفات و خاصة ملمع الزجاج في سوبر ماركت فاتح منذ فترة في العقاد مول اسمه ( مركاتو ) بينزل ليه منتجات توفير زي كارفو المنتجات باسم المحل و كان منزل عرض عبوة اساسية + عبوة اضافة لو اشتريتي 2 يكونو ب 9ج يعني يصبح عندك 4 عبوات انا ما بلاقي عروض كده بتري كمية و هو علي طول عامل عروض و تخفيضات و بالاخص الجمعة بالليل 3-المكرونة اشتريها من العطار بالكيلو معاها المكرونة القلم و الاسباجتي عشان ممكن تعجن بالنسبة للخضار 1- البصل يفرم و يحمر في الزيت و يترك ليبرد و يحفظ في اكياس و في الفريزر بيكون اسهل في الاستعمل و لا يتاثر بالحفظ لانه محمر 2- و الثوم اضيف الية جنزبيل طازج و افرمه و اضع القليل من الزيت و الملح و احفظه في الثلاجة مدة ثم علي الفريزر 3- الطمام اغسلها و احفظها زي ما هي و قبل الاستعمال لطلعها من الفريز قبلها بفترة ثم يسهل عليكي ازالة قشرتها و استعمليها ميزة هذه الطريقة انكي لا تشعري ان الطماطم كانت محفوظة 4- بالنسبة للسلطة كتير الطماطم و الخيار يفسدو في الثلاجة ممكن تقطعي خضار السلطة ( بدون اي اضافات نهائي ) و تضعيه في علبة بلاستيك و تضعي منديل ورقي و يكون خارج عن سطح العلبة و اغلقي العلبة ممكن تظل معكي السلطة في الثلاجة مدة اسبوع و لا تفقد رونقها او مزاقها و ممكن تعملي كمية و تاخذي منها براحتك 5- الخضار مثل الفاصوليا و الكوسه و البسلة بحطه مع بصلة مفرية و قليل من الماء بدون اي اضافات حتي يذبل الخضار شوي و احفظه في الفريز و عند الحاجة اطلعه و اضع عليه الطماطم المضروبة في الخلاط يغلي و يقدم ( اصل انا موظفة ف بستعمل اسهل الطرق ) 6- البامية بحفظها في الفريز بطرقتين اما اضعها في قليل من الماء مع عصير نصف ليمون اول ما تغلي اطفيء عليها و اتركها تبرد و اضعها في اكياس و اشيها بعد التقميع و هي خضراء في الفريز علي طول بس بشعر لانها روحه قصيرة في الحفظ و خضراء و بتنشف شوية مع طول المدة 7- الارز بعمل كمية مثلا 3 كوب مع الشعرية احمر الشعرية و اضيف الارز و اشوحه و اضع الملح و اطفئ عليه و اتركيه يبرد و يحفظ في الثلاجة الميزة اننا كثيرا ما نستهلك ارز كثير و بالتالي ممكن يكون عندك فائض منه فاستعملي منه علي اد حاجتك و عملي ليكي معيار مثلا بالمعلقة خدي منه الكمية المطلوبة و ضعيها علي النار و حطي المية و اكملي الارز عادي و لي صديقة جربت حفظه في الفريزر 8- في علب فراخ بانيه بتاعت كوكي العلبة تقريبا ب 30ج او 33 ج و هي 1 كيلو مش فاكره اوي العلبة فيها 20 قطعة كلهم نفس المقاس هو مقاس صغير شوي بس جربيتها و طلعت رائعة و ده بعد ارتفاع اسعار الفراخ الفيلية الميزة انكي لما بتعملي فراخ فيلية بستهلكي بصل و توابل و بيض و بقسماط فانا شفت انها اوفر يعني في المرة بعمل 4 قطع لاننا فردين طبعا هي طريقة اعدادها علي ما اطن انهم فرمو الفراخ و حطوها في قوالب نفس المقاس طبعا اكيد كوكي مش بتوفر لنا بس انا حسيت بوفر شوية فلوس و مجهود يعني العلبة فضلت معايا شهر كامل باكل فراخ بانيه و خلاص 9- في مركاتو جمبري و سبيط و فيليه مستورد من دول الامارات جربتهم حلوين اوي و جرت سمك فيتنامي فيليه خالي اشتراه مش عارفة منين بس حلو كان الكيلو ب 9ج هو دهني شوي بس طعمه رائع بعد التتبيل 10- في لحمة البرازيلي ... انا شفت كتير بيشتكو منها ف خالي جربها و مراته بتخاف جدا من الاكل لانها بتمرض بسرعه المهم خالي قال لي انها حلوة و انا باخذ منه الكلام ثقة 100% بيجيب منها لحم قطع كويس ......... و يشتري اغلي نوع كان ب 24 ج دلوقتي اعتقد غالي شوي و يطلب من البياع يفرهما ليه ؟؟ عشان هو بينقي اللحم علي كيفه و يطلب فرمها بدل ما يطلب مفروم و مش يعرف فيه ايه الهم وفرت معايا جدا جدا لاني بشتري كيلو اللحم ب 39 ج و المفروم بنفس السعر و بيكون لميان دهن بعمل بيها المفروم و بضيف توابل زيادة شوية و بعمل بيها الكفته و ممكن تخلطي معها دهون من اللحم العادية اللي بتشتريها من الجزار حتي تتخلص من الطعم المجمد المهم انظف مكان تشتري منه اللحم البرازيلي و انا جربته سوبر ماركت اولاد المحلاوي مع انها موجوده في اولاد رجب و المحمل بس ده انظف مكان و في سوبر ماركت اولاد المحلاوي في شارع الطيران في مدينة نصر 11- ورق العنب بحشيه و اشيله في الفريز علي طول جربت الف مرة اشيله ورق و بيتفتفت مني جربت مرة و هو ورق اخضر بدون غلي و لا اي اضافات و جربت مرة بعد ما وضعته في الماء المغلي الطرقتين فشلو معايا 12- بعمل كفته الارز العادية و بشيل منها كميات في الفريز و بعملها باللحم الفروم البرازيلي بتوفر جدا و اسمك كلتي لحمة برضو 13- بعمل كفته و بضيف عليها رز مسلوق( لا يطحن بيكون صحيح و باين في الكفته ) مع البصل و الشبت و التوبل بتكون رائعه و الارز بيزود كمية الكفته و بشليها برضو في الفريز بعد عملها بالبيض و البقسماط تقريبا ده اللي في بالي بس انا قسمت الاسبوع السبت : خضار + لحم 8 قطع + ارز الاحد : مكرونة + كفته الاثنين : بقوليات عدس اصفر / كشري / بصارة / فول بالطماطم الثلاثاء : بواقي يوم السبت و بكون شاليه 4 قطع لحم علي جنب من اكل يوم السبت الاربعاء : مقالي بطاطس / باذنجان / طعمية / بيض او ممكن اعمل افراج و اجيب رنجه الخميس و الجمعة : تسول عند اهلينا و الخبز اللي ب 5 قروش بتاع الغلابة المهم جوزي سفاح فاكهه ف بيكمل غداه فاكهه و الفاكهة ارخص طبعا و لغيت وجبة العشاء ........ جوعو تصحوا و طبعا لازم ننام بدري عشان الشيطان شاطر و ممكن حد يفكر ياكل مثلا و ممكن لو الشيطان غلبك يكون عندك ذرة بتاعت الفيشار من عند العطار عملي شوية فشار و هتملئ بطنك تمام الفكرة و الله مش بخل ابدا بالعكس الفكرة اني لازم اعود جوزي ان البيت يمشي علي اد فلوسه لان مرتبي ده ليا و بتاعي و بعدين في بند العلاج لا قدر الله لازم الواحد يشيل فلوس علي جنب اتمني ان اكون افدتكم و فعلا موضوع رائعموضوع رائع فعلا و قرائته كله ما شاء الله عليكم و فعلا كلنا نعاني من الغلاء و انا...
بسم الله ماشاء الله و لا حول ولا قوة الا بالله ..............................ماشاء الله عليكي يا لوزة و بتقولي 8 شهور جواز بس ماشاء الله ايه يا بنتي الشطارة دي برافو عليكي بجد ماشاء الله
افكارك كلها جميلة و برافو عليكي حكاية ان المرتب بتاعك ليكي وو تمشي البيت على قد المصروف بتاع جوزك عارفه ان دي مشكلة كبيرة جدا لان انا من البداية اتعودت ان مرتبي كله موجود في البيت لان في بداية الجواز معروف ان الظروف مش بتكون اوي يعني ....بس الحمد لله لما الظروف اتحسننت لقيت اني ما ينفعش اسحب حتى جنية من المرتب لان جوزي اتعود فعلا ان المرتب في البيت كله ربنا يوفقك في حياتك يا لوزة و استمري كده تتحفينا بافكارك النيرة
افكارك كلها جميلة و برافو عليكي حكاية ان المرتب بتاعك ليكي وو تمشي البيت على قد المصروف بتاع جوزك عارفه ان دي مشكلة كبيرة جدا لان انا من البداية اتعودت ان مرتبي كله موجود في البيت لان في بداية الجواز معروف ان الظروف مش بتكون اوي يعني ....بس الحمد لله لما الظروف اتحسننت لقيت اني ما ينفعش اسحب حتى جنية من المرتب لان جوزي اتعود فعلا ان المرتب في البيت كله ربنا يوفقك في حياتك يا لوزة و استمري كده تتحفينا بافكارك النيرة
السلام عهليكم ورحمة الله وبركاته ازيكم يا بنات يا شطورات .......... سيماء ومدام وائل ونانا وعطر والباقى كلهم وحشتونى اوى والله وعايزه اتابع معاكم على طول بس ربنا ييسر ماشاء الله زى العاده مبدعاتالسلام عهليكم ورحمة الله وبركاته ازيكم يا بنات يا شطورات .......... سيماء ومدام وائل ونانا...
ازيك انتي يا توته انتي اصلا متاخدة غياب من زمان و فين مشاركاتك يالله احنا مستنيينك
مدام وائل شكرا على صور عيد ميلاد بودى و على ردك عليا معلش ردى متأخر - ما شاء الله واضح انه كان عيد ميلاد جميل أنا ححاول أعمل حاجات بنفسى وربنا يسهل شيماء على فكرة أنا عملت طريقتك فى الصلصة و الطريقة دى عملتها السنة اللى فاتت وكويس انك شجعتينى عليها تانى وسألت لوكانت الطماطم حترخص تانى اللى عرفته انها بتكون ارخص حاجة شهر 7 و8 عشان الحرمدام وائل شكرا على صور عيد ميلاد بودى و على ردك عليا معلش ردى متأخر - ما شاء الله واضح انه كان...
ربنا يوفقك يا جميلة في عيد ميلاد مريومة وان شاء الله يكون احلى عيدميلاد في الدنيا بس ما تنسيش تصوري لنا .......
بالنسبة لطريقة الصلصة فعلا تحفه و بتوفر وقت و مجهود كتير و ان شاء الله باستنى اشوف ح ترخص و لا لا لان الصلصة اللي عندي خلصت خلاص
بالنسبة لطريقة الصلصة فعلا تحفه و بتوفر وقت و مجهود كتير و ان شاء الله باستنى اشوف ح ترخص و لا لا لان الصلصة اللي عندي خلصت خلاص
الصفحة الأخيرة
انتى وحشتينى والله بس انا مش فاكره كل اسماء البنات